Lalaki apan ‘female’ sa birth certificate

Dear Atty Joan,

Ang ako-ang anak nga dise sais anyos kay lalake gyud siya pero ulahi na mi nakabantay nga sa iyang birth certificate kay ang nakabutang diay kay “Female”.

Kinahanglan pa ba mi mu agi ug korte para mapa-usab ni, Atty Joan?

Jan

Dear Jan,

Para mabag-o ang entry sa records sa imong anak, pwede na nga kamo dili na ka gikinahanglan nga muad- to ug korte.

Kung ang imong gisaysay lamang ang atong basehan, tataw nga ang pagbag-o sa sex sa record sa imong anak kay resulta lamang sa usa ka

typographical error, ug dili tungod sa tinud-anay nga pag-usab sa kinatawo niini. Mao nga ang Republic Act No. 10172 ang pangitaan ug base para mapa-usab ang maong sayop nga pagkatala sa iyang sex.

Sulod sa maong balaod, aduna nay gahom ang mga lokal nga civil registrar nga mu-usab sa sex sa usa ka tao kung kini para usbon ang sayop nga pagkatala sa record of

birth mahitungod sa usa ka typographical error. Kinahanglan lamang magpasang-at ug request paagi sa

usa ka sumpahayag. Kini dapat inubanan sa laing pang mga dokumento (school records, medical record, baptismal certificate) nga pwede kuhaan ug base kung unsa ang angayang itala sa record sa bata.

Puno niini, kinahanglan mupakita sad ang hingtungdan ug usa ka sertipikasyon gikan sa usa ka government accredited physician nag-ingon nga ang maong bata o tao kay wala niagi ug aktwal nga pag-usab sa iyang kintawo o sex change. Didto ipasaka ang request sa local civil registrar kung asa nakarehistro ang maong record. Hinaot nakahatag ko ug giya kanimo, Jan.

Atty. Joan