MAGNOLIA SUBHAN

Mga duwa karon

4:15 pm- NLEX batok Kia Picanto

7:00 pm- Alaska batok Magnolia

Bunyagan sa Magnola Hotshots ang bag-o nilang pangalan pinaagi sa pagpakigbatok sa Alaska Aces sa main game karong gabii sa Philippine Basketball Association (PBA) Philippine Cup sa San Juan Arena.

Alangsa Hotshots, kanhi Star, bag-o kini nga sinugdanan ug nanghinaot sila nga makapakita dayon sila og maayo sa labing una nilang duwa dala ang bag-ong pangalan ug mapalabwan pa nila ang ilang nahimo sa milabay nga tulo ka mga komperensya diin kanunay silang nakasulod sa semi-finals.

Naghandom si Hotshots coach Chito Victolero nga ang paggamit nila og bag-ong pangalan makapatul-id sa ilang kampanya ug makalabang na sila sa

semi-finals ning higayuna. Sama sa naandan, ang Hotshots magsalig lang gihapon og maayo nila ni Paul Lee, Marc Pingris, ug Peter June Simon. Puwede sab silang makasandig sa bag-o nilang mga magduduwa nga sila si Robbie Herndon ug Gwynne Capacio.

Apan nasayod si Victolero nga dili sayon ang pag-abante sa finals hilabi na kay padayon silang gihasol sa pagkaangol.

Si Lee ug Jio Jalalon dili pa siyento porsiyento ang kondisyon ug padayon pa kining nagpaalim sa ilang angol.

Ang Aces magsalig lang gihapon nila ni Calvin Abueva, Javee Casio, Chris Banchero, Vic Manuel ug Carl Bryan Cruz.

Sa premirong duwa, magsangka ang NLEX Road Warriors batok Kia Picanto.

Dili ikalimod nga ang Road Warriors usa na karon sa

teams nga angayang kahadlukan hilabi na sa pag-abot sa ilang tugkaran ni Keifer Ravena, kinsa maoy ilang nabira isip No.2 overall pick.

Hinuon magsagubang pa og problema ang Road Warriors gumikan kay dili pa sab siyento porsiyento ang kondisyon sa ilang karaang mga pambato nga sila si Kevin Alas ug JR Quinahan.

Apan dili gusto si Road Warriors coach Yeng Guiao nga himuon kining rason nga dili pa sila makapagawas og saktong labok sa sayong bahin sa komperensya. “I think the key is to be able

to start well. Kung makakapuhunan ka ng two or three games na panalo, malaking bagay yun. It’s going to be a big help,” matod ni Guiao sa interbyu sa Spin.ph.

“If you’ll be able to start with two or three wins at least, and be able to assess the other teams. Kasi after two or three games makikita mo na kung ano yung nilalaro nung iba. And if you’re undefeated at that point, medyo mas nakakaluwag ka and makakapaghanda ka for the rest of the conference.”

Ang Picanto nihimo’g grabeng langas sa offseason dihang ilang gi- trade ang ilang katungod sa No.1 overall pick alang sa talagsa ra’ng magamit nga mga magduduwa sa Beermen diin usa na niini ang beteranong si Ronald Tubid.

Wala man tuo’y superstar ang Picanto apan mipahimangno na’ng daan si Tubid sa ubang

teams nga dili mokompiyansa bisa’g gamay sa pagpakigbatok kanila.