Kanta’s Pasko
Kabahin na sa atong Pasko ang mga Christmas songs. Di tingali ta kaimadyin og Pasko nga walay Kasadya Ning Taknaa, Oh Holy Night ug uban pa. Kaimadyin kag Christmas party nga way Christmas song? Kon way kanta sa Pasko, unsay kantahon nato kon manaygon? Diosnong Magtutudlo? Sa jeepney: “Ate, kuya, dili mi tulisan, manganta ra mi… one, two, ready, go, ‘Diosnong magtutudlo ania kami karon…’” Gani, ang mga Christmas
songs ang unang magpahibawo nato nga hapit na ang Pasko. Maglumba ang mga
radio stations kinsay makaunag patukar og Christmas song inig September 1. Piskot mga tawhana wa pa gani adlaw sa minatay nagPasko na.
Ug tungod kay kabahin na ang mga Christmas songs sa atong kasinatian sa Pasko, wa na tay paki unsay mensahe ining mga kantaha. Basta kanta sa Pasko, awtomatik nga ibayaw atong kalag mora tag kahilakon. Ang wa nato nahibaw-i, naay mga Christmas
songs nga kuyaw kaayog mensahe, nga kon atong sabton pag-ayo makaingon ta’g kayasa aning kantaha.
Pananglitan, kining Santa Claus is Coming to Town. Tan-awang lyrics: “He sees you when you’re sleeping / He knows when you’re awake / He knows if you’ve been bad or good So be good for goodness sake!”
Matay, pwerteng pangugat nakog tudlo sa akong mga estudyante ining gitawag nato’g right to privacy unya naay tawo nga tambok, bungoton ug dakog tiyan nagtan-aw nimo samtang ikaw natulog, kahibawo unsay gibuhat nimo kanang ikaw rang usa, kon nag-unsa ka sa CR.
Ug nanghulga pa gyod ang kanta: / You better watch out! / You better not cry / Better not pout I’m telling you why / Santa Claus is coming to town.”
Bantay lang kang bataa ka, way hilakay ha, ayaw’g budlot-budlot anang imong simod kay katilaw gyod kang Santa!
Utro pud ning I Saw Mommy Kissing Santa Claus: “I saw Mommy kissing Santa Claus / Underneath the mistletoe last night. ” Mubo nga pagkasulti, si nanay ug si Santa Claus uyab, naghawok, nagginitikay, ug ang pobreng tatay nagmatag buntag. Ok, sige, uyonan nato ang gisulti sa uban nga ang lalaki si tatay diay to nga nag- costume og Santa Claus. Apan basahag balik ang lyrics, naa bay gisulti nga mao ni ang nahitabo? Wala. Ang tinuod, kon lyrics lay basihan, nangabit si nanay.
Ang nakagrabe, ang anak nanglili. Namuso ang kanahan! Iyang nanay pa gyod ang gipamusohan. Unya mora lag wa niya kay pinaingon pang karaho “oh what a laugh it would have been if daddy had only
seen.” Nalingaw pang amaw. Mao nga mamili gyod kog Christmas songs nga puno sa pagtulon-an, sama ining kanta ni Jose Mari Chan nga naghatag gayod sa tinuoray’ng kahulogan sa Pasko, ang Christmas in Our Hearts: “Whenever I see butete langoy-langoy in the sea / I remember Saddam namaligya og time bomb…”