Piniling tunghaan sa Bohol gitabangan

Ang mga tinun-an sa gamay nga isla sa Calituban, Bohol nag-atubang og daghang hagit human grabeng naapektohan sa kusog nga linog niadtong 2013 ug paghapak sa super bagyong Yolanda sa sama nga tuig. “We live in an island that is prone to typhoons. Most of our students, honestly, are left behind,” matod ni John Pearlnel P. Amit, usa ka kindergarten teacher sa Calituban Elementary School.

Gawas sa kahimtang sa panahon nga kanunay nagpasuspenso sa ilang klase, ang tunghaan kuwang mismo sa tukma nga pasilidad ug materyal sa pagtuon sa mga bata.

Mao kini hinungdan nga si Amit nalipaya kaayo nga ang Calituban Elementary School napili nga makadawat sa School-in-a-Bag package nga gipalambo sa PLDT mobile unit Smart Communications. “It will bring technology closer to us. Our students will be given the chance to make use of technology tools so they can learn a lot of things,” marod niya.

Ang Calituban Elementary School usa sa duha ka hilit nga tunghaan sa Bohol nga nakadawat og educational

bundle nga naglakip sa laptop, tablets, digital learning content, solar panel, LED TV, ug pocket Wi-Fi with starter load. Laing nakadawat og hinabang mao ang Bilang-Bilangan Elementary School, diin nahimotang da laing gamay nga isla nga daganon og usa ka oras sa pumpboat gikan sa lungsod sa Talibon.

Ang Smart School-in-a-Bag units gipanghatag sa PLDTSmart Foundation (PSF), tungod sa donasyon gikan sa UBS Investments Philippines.

“We decided, together with One Meralco Foundation, to choose island schools that have no access to power..." matod ni PSF president Esther Santos. /