CEBU USA SA DAGHAN OG PBA '17 PLAYERS
Dili ikalimod nga grabe ka ‘ungo’ ang Pilipinas sa basketball apan wala na segur’y lugar sa nasod nga mas ‘ungo’ pa ning maong duwa kumpara sa Pampanga, Cebu ug Negros Occidental nga nagpabiling mao ang adunay labing daghang mga magduduwa sa Philippine Basketball Association (PBA) 2017-18 season.
Gipalig-on sa Pampanga ang ilang puwesto sa numero uno ning maong listahan human misaka gikan sa 11 ngadto sa 13 ang mga magduduwa nga gikan sa ilang dapit basi sa artikulo sa Spin.ph.
Ikaduha ang Cebu nga adunay siyam ka mga magduduwa samtang ikatulo ang Negros Occidental nga adunay walo.
Ang mga gikan sa Pampanga mao sila si Jayson Castro, Calvin Abueva, Arwind Santos, Japeth Aguilar, Ian Sangalang, JC Intal, Russel Escoto, Justin Melton, Michael Miranda, Dexter Maiquez, Ronald Pascual, Lervin Flores, ug Michael Juico.
Ang mga gikan sa Cebu mao sila si June Mar Fajardo, Greg Slaughter, JR Quiñahan, Aldrech Ramos, Brian Heruela, Roger Pogoy, Joseph Sedurifa, Monbert Arong, ug Mark Jayvenn Tallo.
Samtang ang gikan sa Negros Occidental mao sila si James Yap, Jeff Chan, Noy Baclao, LA Revilla, Mark Yee, Reynel Hugnatan, Raul Soyud ug Raymar Jose.
Ang Iloilo adunay unom ug kini mao sila si Ronald Tubid, Anjo Caram, Paolo Taha, Ken Bono, Emman Monfort, ug Kiefer Ravena.
Aduna sa'y unom ang Cagayan de Oro ug kini mao sila si Poy Erram, Jio Jalalon, Glenn Khobuntin, Philip Paniamogan, Rey Nambatac, ug Dan Sara.
Sila si Scottie Thompson, Baser Amer, John Pinto, ug Reden Celda gikan sa Davao del Sur unya sila si Art dela Cruz, Billy Mamaril, Michael Mabulac ug Emil Renz Palma gikan sa Bulacan.
Ang mga gikan sa Pangasinan mao sila si Marc Pingris, Jason Ballesteros, Bryan Faundo ug Marion Magat samtang ang gikan sa Tarlac mao sila si Niño Canaleta, Jake Pascual, Jaypee Mendoza ug Jon Jon Gabriel.
Si Terrence Romeo gikan sa Cavite kauban sila si Ranidel de Ocampo ug Yancy de Ocampo. Si Romeo aduna unta'y kaliwat sa Cebu ug Negros apan sa Cavite na kini nagdako.
Sila si Mark Borboran, Jay-R Reyes ug Alex Nuyles ang gikan sa Albay, sila si Gabby Espinas, Ping Exciminiano ug Matt Ganuelas-Rosser sa Olongapo, sila si RR Garcia, Mark Barroca ug Mike Tolomia sa Zamboanga, sila si Chico Lanete, Garvo Lanete ug Dylan Ababou sa Leyte, LA Tenorio ug Eric Camson sa Batangas, Cyrus Baguio ug Bambam Gamalinda sa Iligan, Raymond Almazan ug Bradwyn Guinto sa Bataan, Mac Belo ug PJ Simon sa Cotabato, Chris Javier ug Jan Jamon sa Laguna, Troy Rosario ug Jam Cortes sa Cagayan Valley, Jackson Corpuz ug Bong Galanza sa Isabela, Vic Manuel sa Nueva Ecija, Mac Baracael sa Quezon, Keith Agovida sa Aurora.
Gikan sa Baguio si Doug Kramer, sa Catanduanes si Don Trollano, sa Ilocos Norte si Ed Daquioag, sa La Union si James Sena, sa Romblon si Jansen Rios, sa Camarines Norte si Jammer Jamito, sa Sorsogon si Beau Belga, sa Tagbilaran si Alfrancis Tamsi, sa Zambales si Jay Washington, sa Samar si Jewel Ponferrada.
Ang ubang mga magduduwa gibahinbahin na sa mga lugar sa National Capital Region diin lakip niini ang Manila ug Quezon City nga pulos adunay 11 ka mga magduduwa matag usa.
Ang mga Fil- foreigners gikan sa California, New York, Hawaii, Chicago, Florida, Maryland, Michigan, North Carolina, South Dacota, San Antonio, Texas, Seattle, Washington, Canada, Australia, Tonga, Papua New Guinea, Germany, Hong Kong, ug Kuwait.