CAVS KAGING SA BUCKS
Kadaghanan na nausikan sa host Milwaukee Bucks ang ilang labaw sa 4th quarter apan kagahapon, ilang gipaneguro nga dili na kini mahitabo aron pakagingon ang Cleveland Cavaliers, 119-116, sa National Basketball Association (NBA). “It was a big step for our team. It shows maturity,” asoy ni Giannis Antetokounmpo, kinsa maoy nangulo sa kadaugan pinaagi sa iyang 27 puntos. “Usually, in a situation like that, we give the game away.”
Ang Bucks, nga nakalingkawas sa lima ka sunodsunod nga kapildihan aron isaka ang ilang rekord sa 16-13, nakadawat sab og 26 puntos gikan ni Eric Bledsoe, 18 gikan kang Khris Middleton ug 16 gikan kang Malcolm Brogodon.
“We kind of bent but we didn’t break,” matod ni Bucks coach Jason Kidd. “Giannis made plays down the stretch. We stayed together. We are playing against one of the best teams in the world.”
Ang Cavaliers, nga natagak sa 23-9 nga rekord ug nakaangkon sa ikaduha nilang pilde sa katapusan nilang 20 ka mga duwa, gipangulohan na sab sa ilang lider nga si LeBron James, kinsa nagpa- katap og 39 puntos.
Si Kevin Love nidugang og 21 puntos alang sa Cavaliers.
Naglabaw ang Bucks og 103-83 dihang gidugkatan ni James ang makapakurat nga 24-3 nga rally nga gibuwakan og back-to-back three-point shots ni Dywane Wade ug daw sa usa lang ka pamilok, naglabaw na ang Cavaliers, 107-105.
“Obviously, tonight (Wade) showed what he’s capable of still doing,” matod ni James kabahin sa iyang higala. “It’s a luxury having a guy like that coming off the bench.”
Apan wala nagpadala sa kahudlat ang Bucks ug ningtutok kini’g balik sa duwa aron angkunon ang kadaugan.
WIZARDS 116, PELICANS 106
Sa Washington, nagpakatap og 26 puntos samtang nidugang og iyang season-high nga 24 puntos si Mike Scott aron agakon ang host Wizards sa kadaugan batok sa New Orleans Pelicans.
Niamot og 18 puntos si John Wall alang sa Wizards, nga ningsaka sa 17-14 nga baraha.
Ang Pelicans, nga nahagbong sa 15-16 nga baraha, gipangulohan ni Anthony Davis pinaagi sa iyang 37 puntos samtang nitampo og 26 puntos ug 13 rebounds si DeMarcus Cousins.
KINGS 101, 76ERS 95
Sa Philadelphia, nimugna og 27 puntos si Zach Randolph unya midugang og 24 puntos si Buddy Hield sa kadaugan sa Sacramento Kings batok sa host Sixers.
Maayo sab nga nakaduwa alang sa Kings mao si Frank Mason III, kinsa nitampo og 16 puntos.
Ang 76ers gipangulohan ni Robert Covington pinaagi sa iyang 17 puntos samtang nidugang og 13 puntos si Ben Simmons.