CAVS, KNICKS, SUNS NAMUPO’G DAOG

Gipangbuntog sa host Cleveland Cavaliers ang Chicago Bulls, 115-112, aron inaton ang ilang sunodsunod nga kadaugan ngadto sa 12 sa National Basketball Association (NBA) kagahapon.

Gipangulohan ni fourtime MVP LeBron James ang kadaugan pinaagi sa iyang 34 puntos samtang nidugang og 27 puntos si Kevin Love sa kombati nga personal nga gisaksihan sa bag-ong kaplag sa Cavaliers nga si All-Star

pointguard Isaiah Thomas. Mao kini ang labing unang higayon nga nitunga si Thomas sa venue sukad siya nakuha sa Cavaliers gikan sa Boston Celtics, pito na ka mga buwan ang nakalabay.

Ang pagbutho ni Thomas usa ka timailhan nga hapit na siya makabalik og duwa gikan sa pagkaangol.

Si Thomas miapil og kadiyot sa warmup sa Cavaliers apan wala siya nipakita og aksyon. “It was everything. I felt like a basketball player again,” matod ni Thomas. “It just felt like I was a rookie again, like my first game. I haven’t been in an arena like that where you’re warming up, you’re with teammates, that’s so new right now. I’ve been down since May so just being out there put a smile on my

face.”

Ang Cavaliers mingsaka sa 24-9 nga rekord samtang ang Bulls natagak sa 10-21 nga baraha.

Ang Bulls gipangulohan sa ilang rookie nga si Lauri Markkanen, kinsa nagpakatap og 25 puntos. RAPTORS 114, 76ERS 109 Sa Philadelphia, niposte og bag-ong career-high nga 45 puntos si DeMar DeRozan lakip na niini ang unom ka

three-point shots aron pangulohan ang Toronto Raptors nga makabangon sa 22 puntos nga pagkalubong ug lupigon ang host Sixers.

Nidugang og 23 puntos si Kyle Lowry alang sa Raptors.

Gikan sa 54-76 nga biya sa sayong bahin sa 3rd quarter, ang Raptors hinayhinay nga ninggukod sa pagpangulo nila ni DeRozan ug Lowry.

Ang Sixers, nga ningkombati nga wala si Joel Embiid, gipangulohan ni Ben Simmons pinaagi sa iyang 20 puntos.

KNICKS 102, CELTICS 93

Sa New York, gimugna ni Michael Beasley sa 2nd half ang 28 sa iyang season-high 32 puntos aron agakon ang host NY Knicks sa kadaugan batok sa Boston Cetlics.

Nibalik na og duwa ang si- naligang sentro sa Knicks nga si Kristaps Porzingis gikan sa pagkaangol apan dili pa maayo ang duwa niini.

Ang Celtics gipangulohan ni Kyrie Irving pinaagi sa iyang 32 puntos.

SUNS 97, GRIZZLIES 95

Sa Phoenix, nakapabuto og

three-point bomb si Troy Daniels sa nahabiling 17 segundos aron agakon ang host Phoenix Suns sa kadaugan batok sa Memphies Grizzlies.

Ang kadaugan gipanbgulohan ni TJ Warren pinaagi sa iyang 27 puntos samtang niamot og 14 puntos si Daniels.