KASINATIAN SA GAY PRIDE TAIWAN
Way kukahadlok sa pagrampa, harbat ug (bisan uwaw i-apil dinhi, pero hala) mga keks. Kini maoy tuyo namo sa akong bestfriend sa dihang nagplano mi nga mosalmot sa Pride Parade sa Taipei, Taiwan sa milabayng buwan.
Usa ka semana sa wa pa mi nang-martsa, namroblema na mi ni Renz, akong bestfriend, unsay among sul-ubon sanglit gusto namo nga di malimtan ang labing una namong Pride.
Daghan naming mga plano, gikan sa mga see-through shorts, tank tops,dakong ug uban pang mga beyga nga outfit nga nakit-an namo online (bisa'g wa na mi angay) apan way bisan usa ang napatahi tungod sa ka-busy.
Wa gyud mi alamag unsay mahitabo sa usa ka Pride Parade, ang anaa sa among mga hunahuna nga daghang mga parehas namo nga miyembro sa LBGT (Lesbians, Gays, Bisexuals and Transgender) community ang mangapil sa maong kalihukan uban sa mga daghang lami nga you know na.
Sa amoa'ng hunahuna, sunod nalang mis panon kay di man mi kahibaw mo-Ininsik.
Sukad sa akong unang pagtaak sa Taiwan sa milabayng tuig, akong nahibaw-an gikan sa usa ka higala nga sa maong nasud gipahigayon ang pinaka- selebrasyon sa Pride Parade dinhi sa Asya.
Mas engrande ang selebrasyon ning tuiga tungod kay gawas nga ika-15 ka tuig na nga gihimo sa Taipei ang parada, niadtong Mayo 24, ang Council of Grand Justices sa maong nasud mi-anunsyo sa ilang interpretasyon sa Civil Code sa ilang konstitusyon nga di maki-angayon nga hikawan sa katungod sa pagpakasal ang mga same-sex couples, pasabot nga uyon sila sa same-sex marriage ug niawhag kini sa mga magbabalaod nga usbon ang ilang Civil Code sud sa duha ka tuig ron mapatuman ang maong tinguha.
Sumala sa Taipei Times nga record-breaking ang 123,000 ka partisipante ningsalmot sa parade niadtong Oktubre 28.
Sa di pa nako isaysay akong kasinatian, gusto kong inyong masabtan nga kining artikulo, di ni binastos sa kon unsay inyong mga tinuhu-an.
Makapangutana siguro mo kon unsay sinugdanan nganong halos sa tanang mga dagkong dakbayan ug mga dapit sa kalibutan, magsaulog ug Pride Parade matag tuig.
Diskriminasyon, di patas nga pagtratar ug ubos nga pagtan-aw sa tawhanong katungod sa mga miyembro sa LGBT community maoy nagtukmod sa mga nipasi-ugda ning kalihukan sobra sa 4 ka dekada ang nakalabay.
Ug ang kalihukan magpadayon hangtod nga makab-ot sa LGBT community ang patas nga patan-aw niini sa katilingban sa tanang aspeto.
Maka-ana siguro mo nga wala ra moy problema sa presensya sa mga mahuyang ninyo nga mga igsuon, higala, classmate, paryente, kaila ug uban pa apan ang wa ninyo mahibaw-i nga sa matag minuto sa pagtuyok ning kalibutana, adunay usa ka miyembro sa LGBT nga giabuso, gipasakitan ug gitamaktamakan ang tawhanong katungod.
Base sa research gikan sa International Lesbian, Gay, Bisexual, Trans and Intersex Association (ILGA) nga moabot sa 74 ka mga nasud sa kalibutan padayong giisip nga krimen ug iligal ang pakigrelasyon sa mga mahuyang, 13 sa maong mga nasud, pagkapriso o kamatayon ang silot kon masakpan ka nga usa ka miyembro sa LGBT nga anaa sa same-sex nga relasyon.
LAHI NGA SUPORTA
Usa ka gabii sa ikaduhang higayon nga pagbisita nako sa nasud niadtong Disyembre 2016, nahimamat ko og grupo sa mga batan-on nga akong abi kog namaligya ug pagkaon gawas sa night market sa Songshan District.
Naggunit sila og mga placards nga inisik, naninggit ug Ininsik (murag namaligya ug sud-an) ug usa nila niwara-wara sa rainbow flag, simbolo sa LGBT community.
Nakuryuso ko unsay ilang gibuhat maong nakig-istoryahanay ko nila kung unsay ilang giprotestaan ug kini nagkanayon nga nipadayag lang sila ug pagsuporta sa samesex marriage sa ilang nasud.
Pipila ka minutos sa pakigplastikan ug chika, nangutana kos akong katabi kon usa siya ka mahuyang.
“I'm straight. And I'm here to support my friends,” tubag niya nako.
Didto ko nibilib sa akong gika-istorya nga bisan di siya bayot apan nisuporta siya tungod ug alang sa iyang mga higala nga miyembro sa LGBT.
Tungod niadto, nakadisider ko nga mosalmot sa Pride ning tuiga.
ATOL SA PARADE
Daghang mga posibleng mahitabo ug masinati nimu sa parade:
Nangasaag ming Renz ug akong kauban sa buhat nga si Chona paingon sa venue. Wa sab mi nagkakita sa akong Taiwanese nga higala kay nalangay man ang mga ebay.
Imagina, wa mi kahibaw sa rota kon asa magsugod ug asa mahuman pero werpa gihapon kon asa ang mga tawo, sunod lang sa panon.
Mabulukon kaayo ang parade ug nisamot pa gyud ka mabulukon tungod sa vitamins sa mata nga mga ‘imal' nga keks. Galunop ang mga lami, pramis! Mabusog ka!
Didto mi nakakita og mga lalake nga nag-cosplay ug Smurf nga dakog bunal, lalake nga nag-costume og anghel ang pako, korona ug iyang pribadong parte igo lang gitabunan ug gamayng panapton, mga naggilak nga mga gown, make up, rainbow flag bisa'g-asa ug uban pa. Wa kalabaw among gisul-ob nga jockstrap ni Renz.
Pipila ka minutos sa among pagsige'g lakaw, gipanggutom mi. Nalipong sab si Chona, maayo nalang nakakita mi'g McDonalds duol sa Peace Memorial Park.
Naka- order nami ug pagkaon apan wa mi lamesa tungod kay puno kinis mga costumer maong buwag-buwag ming tulo ug pangaon.
Nitapad kos usa ka Insik, William iyang English name ug nagkachika mi slight sa tabang ni Google Translate. /