Pagkamahiubsanon: mensahe ni Gullas

Pagkamahiubsanon maoy sentro sa mensahe ni Talisay City Mayor Eduard Gullas atol sa Christmas party sa dakbayan dili pa lan dugay.

Lakip sa gihatagan niya og importansiya mao ang kabatan-onan nga malayo sa sakit ug magbiuotan.

Matod niya nga wala siyay mahatag nga gasa alang sa tanang Talisaynon gawas sa pag-ampo nga hatagan og kabaskog sa panglawas ang taga Talaisay ug malayo sa sakit.

"In all humility since I don't have enough gifts to each and every Talisaynon. I pray nga maayo'g lawas, ipalayo sa sakit ang mga bata magbinuotan,” pulong sa mayor .

Midugang siya nga unta ang kabataan manggiluy-on ug dili probelma sa ilang mga ginikanan ug sa katilingban.

“Kay ang inahan ang affected kung badlongun ang bata. I dont want them to be a problem to their mama,” dugang niya.

Nagkanayon si Gullas nga kon ang kabataan adunay pagtahod sa ilang mga maguwang, walay krimen nga mahitabo ug dili usab kini makahimo og salaod.

Si Gullas niingon nga kinahanglan usab ang taga Talisay motuo sa pag-ampo iyang gihimo nga sanglitanan ang iyang kaugalingon sa dihang nahimo siyang gobernador sa Sugbo niadtong kapin pa sa 40 anyos ang iyang pangidaron na-diagnosed og lung cancer.

Giingnan siya sa iyang doktor nga aduna lang siyay tulo ka buwan nga mabuhi, apan tungod sa hugot nga pagtuo sa pag-ampo sa iyang pamilya ug mga higala buhi pa siya hangtod karon.

Iyang gibutyag nga grabe ang iyang pag-ampo ngadto sa Birhen Maria patron sa Talisay ug Sta Teresa de Avila ug sa balaang bata nga si Senyor Sto. Niño.

“They should believe in prayers. I would have been six ft under the ground now. My life, bonus na ni. I am 87 years old but I feel as a Governor,” pagsaksi ni Gullas.

Nidugang siya nga mahimo na unta siyang mohunong sa pagserbisyo sa publiko ug magpahayay sa nabiling panahon sa iyang kinabuhi, apan ang iyang kaikag ug kasasig nagpadayon sa pagpangulo sa katawhan aron mapadayon ang iyang pagserbisyo ug debosyon.