Panahom sa SAME SEX-MARRIAGE
Si Duterte pabor nga himuong legal ang pagpakasal sa same sex dinhi sa Pilipinas atol sa iyang pagpamulong sa LGBT community didto sa Davao apan niadtong Marso didto sa Myanmar iyang gipabudayag nga dako siyang supak sanglit usa ka Katoliko ang Pilipinas ug dili sama sa America.
Bisa’g bayot ko di ko uyon anang same sex marriage ma-biblical belief o human belief. Magbulag man gani nang babaye ug lalaki bisan pag way tutol sa kasal how much more sa man to man woman to woman. We should respect ourselves na lang. - John Quebrar
Supak ko sa same sex marriage pero dili ko supak nila isip 3rd sex gender kay katungod mana nato asa ta mahaum sa atong kalipay. Angay unta nato timan-an nga aduna sad tay limitasyon sa kalipay ug anaa Ang Balaod sa Diyos. - Honario Sarvida Barotag
Kon tugtan na nga pwede makasal ang same sex, okay rana sa panan-aw sa ubang tao pero atubangan sa Ginoo dako kaayo na nga sala. Oo magmalipayon sila sa kalibotan pero what about sa after life? Magmalipayon pa ba gihapon sila? Anyways ila man na kinabuhi, bahala na si God mag judge nila.
- Wiza Roche Canoy
Dili ug dili gyud ko uyon ana ,kulang paba ang gidangatan nato? Wa koy kalagot sa mga bayot ug tumboy basta wa lang maghimo og ka bastosan. Sala man gani ang pakig sex sa babaye ug lalaki nga wa pa makasal, unsa na kaha nang same og gender.
- Antonette Nemeño
Kato mga dili uyon paghilom nalang mo total wala may gisuwat sa bible nga maapil mog kasunog. Ang sunogon kay ang mga bayot raman kaha ug tomboy. I disagree nor agree on this matter. Whatever path a person would choose and as long as it makes them happy, wala problema sa akin.
- Luke Ismael Alcordo Tenoso
Sa akong part dili ko mo-uyon kay dili mana mao ang akong kalipay. Kon sila sab ang pangutan-on kay uyon sila kay mao ang ilang kalipay. Ang ako lang if maka realize sila nga sayop diay ang ilang gibuhat, I hope dili nila mahayan nga nagpakasal sila. - Jboy Cañete
As part of third sex di ko uyon ani pero I am into same sex relationship. Respetohanay lang unta. Makasala man gani mong niatubang na sa altar ug gipamulong na ninyo ang sagrado sa kasal unya human namabaye or naa pay laki. Tao ra tang tanan makasasala.Mura baya mog kinsa mo judge sa bayot.
- Erich Ionagleye Canoy Plarisan
Unsaon man nga pareha ra man na og hitsura asa man ang inyong kalipay isip mag asawa, di ba? Bitaw supak ko ana kay gihimo sa Ginoo ang babaye ug lalaki para modaghan apan kanang kaya maatiman ug di pasagdan ang mamahimong liwat. - Norma Teves Osorno