TEXTERS GIPUTLAN OG SIGNAL SA PAINTERS

Kadaugan maoy gilihi sa Rain or Shine Elasto Painters sa ilang unang adlaw sa kampanya sa PBA Philippine Cup niadtong Biyernes sa dihang ilang gipatapsingan ang TNT Ka Tropa, 8279, sa Cuneta Astrodome.

Ang giilang run-and-gun team misandig sa free throws nila ni Chris Tiu ug Maverick Ahanmisi nga maoy naghatag og dalan paingon sa ilang kadaugan sa dihang hinay-hinay nga gikitkit sa Texters ang ilang otso puntos nga labaw sa katapusang kuwatro minutos.

Si Beau Belga nangulo sa E-Painters nga may 14 puntos, lima ka rebounds ug tulo ka assists nga igo na kaayong nakapahimo niyang Player of the Game.

Alang ni ROS coach Caloy Garcia nga ang kadaugan nagmarka og maayong dagan sa ilang kampanya apan sa samang higayon, nakasaway sa mga lapses nga namugna sa iyang mga batos.

“It’s good to start the season with a win, but ang daming lapses,” matod ni Garcia. “We can’t win lots of games if we continue this way.”

“Sabi ko sa mga players, we practiced hard for one month and ‘wag nilang sayangin,” dugang niya.

Mga puntos:

Rain or Shine (82) — Belga 14, Tiu 12, Almazan 11, Norwood 11, Ahanmisi 9, Daquioag 8, Borboran 5, Nambatac 5, Trollano 4, Ponferrada 3, Maiquez 0, Yap 0. TNT (79) – Castro 18, Pogoy 16, Semerad 13, Williams 11, Rosario 8, Reyes 7, Torres 4, Tautuaa 2, Carey 0, Nuyles 0, Tallo 0. Quarterscores: 20-20, 43-37, 62-51, 82-79.