HAYAN PUTLAG ALLOWANCE

Sugod sunod tuig, ang Cebu City Government mosusi sa performance sa 1,500 ka garbage loaders human sa mga taho sa pagpangilkil.

Sa wa pa mobiya alang sa Estados Unidos sa miaging semana, si Mayor Tomas Osmeña niingon nga nakadawat siya og mga taho kalabot sa loaders nga giingong nangolekta og mga basura gikan sa dagkong mga establisemento ug nangayo og dagkong bayad sa pagpanghakot.

“Next year will be better than this year because we will cut off all their allowances. Were not going to let these garbage collectors make a business and then were going to pay them so they can collect money? Naunsa man na oy,” siya niingon.

Kon iyang tumanon ang iyang bahad, di kini maoy unang higayon nga ang mayor mosuspenso sa pagpanghatag og allowances.

Niadtong Pebrero, gihunong ni Osmeña ang pagpanghatag og cash allowance sa tanang mga barangay tanod ug garbage loaders human ang Siyudad nipahigayon og reevaluation kay giingong kadaghanan kanila wa maghimo sa ilang mga tahas samtang ang uban nanggamit og illegal drugs.

Matag tanod ug loader nagdawatan og P4,000 gikan sa Kagamhanan sa Siyudad sa Sugbo.

Matag barangay dunay labing minos 15 ka loaders.

Paglabay sa tulo ka mga buwan, ang Siyudad nibalik sa allowances sa tanang barangay tanod ug loaders nga negatibo sa drug tests.

Gikuhaan og reaksyon, si Association of Barangay Councils president Philip Zafra niingon nga wa siyay supak sa evaluation, basta himuon kining makiangayon.

“I just hope that the evaluation is done fairly and is really intended to gauge the performance of one and not just to make it as a lame excuse of cutting off unfairly their honoraria from the City, which is by the way, always in delay for like five months or even more,” siya niingon.

Matod niya nga ang loaders sa Tisa maayo nga nakabuhat sa ilang trabaho. Duna silay 17 ka loaders.

“They’ve been exposed to the elements and yet they’re working day in and day out. However, the delays of their honoraria are from the City’s end. They’re a big help to the city in terms of garbage collection and solid waste management,” siya nagkanayon.