Hahahahasula

Dear Papa Joe,

Maayong adlaw. Ako si Kely, 25. Akong problema is naa ko ka chat chat for almost 10 months na. Di permanente mag-chat kay usahay tag 1 week ayha pa siya mo-chat. Usahay ra pod mi magkita, kanang makauli siya gikan sa city kay same ra man mi og probinsya.

Naay gisungogsungog sa iyaha nga workmate ra sad niya. Naay post tupad sila kay party man to. Ambot nasakitan man ko, Papa Joe, kay ambot uyab na ba kaha to niya tong bayhana, daghan nig comment ilang mga kauban sad nga support kaayo sa ilaha. Na-insecure ko pero di man mi uyab. Akong huna-huna di na ko mo-reply kon mo-chat sya aron makalimtan na nako siya. Sakto kaha ni? Hinaut matambagan ko nimo. Salamat.

KELY

Kely,

Hasula. Di mo uyab? Nganong magselos man ka? Bitaw, Day, di na malikayan nga na fall ka niya sa katas-on sa oras sa inyong pagchat chat ug na-develop ang imong feeling alang niya. Well, maayo man sad na nga molikay ka kon tan-aw nimo di gyud magkakamo kay may uyab na siya. Pero wala pa man sad kay confirmation kon uyab ba gyud sila. Mao nga mas maayo sad nga pangutan-on nimo siya about sa iyang kauban unsay score ug unsa say rason niya nganong ganahan siya makig chat nimo. Basin og moingon siya nga nahigugma siya nimo aw kinahanglan setolon sa niya tanan kon ugaling naa siyay uyab.

Samtang dalaga ug ulitawo, pribilihiyo nato nga makauyab og lain basta wala na ta makagusto sa uyab nato. Pero kinahanglan setolon pinaagi sa pagbuwag sa. Who knows, di ba matod pa sa kanta nga maypa sa akong mga damgo aduna pay ikaw ug ako, mao nga haha haha hasula. Daghang salamat.

PAPA JOE