2017 Yearender: Celebrity break-ups

Atong lili-on pagbalik ang mga nahitabong panagbuwag o relasyon sa pipila lang ka mga inila nga foreign ug local celebrity nga wa molungtad og dugay nga nakapagugang sa ilang fans.

Chris Pratt ug Anna Faris

Human sa walo ka tuig nga kaminyuon nipahibawo ang magtiayong actor sa ilang separation niadtong Agosto gumikan sa ‘irreconcilable differences’.

Selena Gomez ug The Weeknd (real name Abel Tesfaye)

Niadtong Oktubre nakahukom ang duruha nga mag-iyahay human sa 10 ka buwan nilang relasyon apan bisan pa man pabilin silang suod sa usag usa.

Ben Stiller ug Christine Taylor

Pinaagi sa giluwatan nga joint statement sa magtiayon sud sa 17 ka tuig nilang panag-ipon ilang na-uyonan nga magbuwag kay matod pa “the marriage did not work out”.

Kylie Jenner ug Tyga

Igo lang nga mitungtong sa tulo ka tuig gitapos nila ni Kylie ug Tyga ang relasyon niadtong Abril kini matod pa ni Jenner nga bata pa siya ug dili niya type si Tyga nga maoy madayonan.

Daniel Matsunaga ug Erich Gonzales

Niadto lang buwan sa Pebrero nakahukom sila nga mag-iyahay human sa duha ka tuig sa ilang dating relationship. Apan nahimong kontrobersiyal ang maong breakup sa dihang nibuhi og halang nga pulong ang igsuon ni Daniel batok sa aktres.

Bella Padilla ug Neil Arce

Niabot og lima ka tuig ang ilang relasyon sa wa pa magbuwag niadtong Enero ug karon si Neil na-link ni Angel Locsin samtang si Bella na-link na sab ni Zanjoe Marudo.

Gretchen Ho ug Robi Domingo

Gikonpirmar sa duruha ang ilang breakup niadtong Marso pinaagi sa pagpagawas og joint statement ngadto sa programa ni Boy Abunda kay buot nilang tutokan ang ilang tagsa-tagsa ka mga career. /