PA ni Sinon iyang gidagmalan?
Usa ka Drew Farhad Fernandez ang miyagyag sa matod pa tinuorayng pagkatawo ni Sinon Loresca a.k.a Rogelia human gimaltrato niini ang iyang personal assistant (PA) nga babaye. Si Loresca naila nga “King of Catwalk”.
“Why should I apologize to her, she is just my maid. I am a celebrity, I can do whatever I want and you cannot do anything about it,” maldita nga tubag ni Loresca ngadto ni Fernandez. Gibadlong diay ni Fernandez si Loresca sa gihimo niini ngadto sa iya ra sab nga assistant sa dihang gibunlot dayon lubag sa pulso ug wa pa matagbaw gilarot ang buhok sa wa matino na rason atubangan sa pundok sa ilang mga higala.
Inay nga mopatuo si Loresca ni Fernandez siya na hinuon maoy gi-atubang samtang diha sila sa usa ka bar sa Makati City kagahapon sa kadlawon og nahitabo ang lamok-lamok.
Naka-angkon og bun-og og kinawrasan si Fernandez hinungdan nga iyang gipa-blotter ang maong celebrity sa Pasig Police Station.
Asoy ni Fernandez sa iyang Facebook account na-usab ang iyang pagtan-aw ni Sinon nga una niyang gidayeg sa confidence nga gipakita niini isip usa ka gay.
Sa ilang pagbiya sa bar nakita pa ni Fernandez ang PA nga nagpahipi sa sakyanan nga naghilak ug gibate og kahadlok kay matod pa kulata ang iyang mahi-aguman sa ila na unyang pagpa-uli sa apartment ni Sinon.
“Regardless whether you are a man, woman or transgender, rich or poor, popular or not – no one has the right to abuse you, ever!” mensahe ni Fernandez diha sa iyang FB.
Atol niining pagsuwat wa pa moluwat og opisyal nga pamahayag si Sinon kalabot sa maong pasangil.