TIPS SA MALAMPUSON NGA NEW YEAR’S RESOLUTION
Daghan siguro karon ang naghimo na sa ilang healthy New Year’s resolution – basin uban aron mogamay, mohunong og panigarilyo o kaha minusan ang pag-inom. Apan unsa ang labing maayo nga pamaagi aron mamahimo kining epektibo?
Matod sa psychologists nga mamahimong successful ang resolution kon tungaon kini sa ginagmay nga tumong susama nianang specific, measurable ug time-based.
Ania ang 10 ka tips nga magamit nimo aron makuha nimo imong gusto base na usab sa imong resolution.
1. Paghimo og usa lang ka resolution. Mas dali ni nimo nga ma-achieve kay usa ra, naa kay focus!
2. Ayaw paghuwat og New Year’s Eve sa pagpili og resolution. Paggahin og oras o pipila ka adlaw bag-o ang bag-ong tuig sa paghuna-huna unsa imong gusto nga pag-uhon.
3. Likayi ang mga nangagi nga resolution. Makahatag ra kini og frustration ug disappointment nimo.
4. Ayaw sunod sa kadaghanan, apan paghimo og imoha nga makaayo nimo.
5. Tungaa ang imong goals susama sa serye, paghimo og sub-goals nga lig-on, masukod ug time-based.
6. Sultihi ang imong higala ug pamilya kabahin sa imong tumong. Aron makadawat ka og suporta ug malikayan ang kapakyasan.
7. Aron magpabilin ka nga madasigon, paghimo og checklist kon unsaon kini nimo pag-achieve.
8. Hatagi imong kaugalingon og gamay nga ganti kon ma-achieve nimo imong sub-goals, makadasig usab kini sa kalambuan sa imong resolution.
9. Paghimo og plano ug lig-on nga pag-uswag pinaagi sa paghiimo og handwritten journal, computer spreadsheet, notice board o uban pa.
10. Pagdahom nga mabalik kadtong kaniadto nimo nga bastasan. Himoa ang kapakyasan nga temporaryo lang ug ayaw kini gamita nga rason nga moundang. / www.nhs.uk