CURRY MIBALIK NGA GABANGIS
Nagbangis dayon sa iyang pagbalik si two-time MVP Stephen Curry gikan sa pagkaangol ug nagpakatap kini’g 38 puntos lakip na niini ang 10 ka threepoint shots aron agakon ang host Golden State Warriors sa kadaugan batok sa Memphis Grizzlies, 141128, kagahapon sa National Basketball Association (NBA).
“I just wanted that feeling again. It was pretty special,” matod ni Curry. “It felt like it was the first day of school again.”
Si Curry, kinsa ka tulo ra nasipyat sa iyang 13 ka mga itsa sa three-point land, mirehistro sa iyang ikasiyam nga 30 o pataas nga puntos ning maong season.
Ang coach sa Warriors nga si Steve Kerr wala nasurpresa nga nakapakita gihapon og maayong duwa si Curry bisan wala kini nakapakita og aksyon sulod sa 11 ka mga duwa.
“Most guys you would say when they come back, maybe they’ll struggle a little bit to find their rhythm, but you don’t say that about Steph because all it takes is one and he can be feeling it,” pasabot ni Kerr. Namugna ni Curry ang 38 puntos bisan sulod lang sa 26 ka mga minutos kining gibabad ni Kerr sulod sa korte. “That was phenomenal,” batbat sa usa sa mga sinaligan sa Warriors nga si Kevin Durant kabahin sa gipakita ni Curry.
“... I’m glad that he got it going because we got that needed spark. They came out and shot well tonight, so we needed that extra spark, especially from the 3-point line. It’s great to see him playing the game again.”
Ang Warriors mingsaka sa 29-8 nga rekord samtang ang Grizzlies nahugno sa 11-25 nga baraha.
Si Klay Thompson nidugang og 21 puntos alang sa Warriors samtang nitampo og 20 puntos si Durant.
Ang Grizzlies gipangulohan ni Marc Gasol pinaagi sa iyang 27 puntos, nidugang og 22 puntos si Tyreke Evans samtang nitampo og 17 puntos si Kobi Simmons.
Sa laing gikaintapang duwa, gipakaging sa Utah Jazz ang Cleveland Cavaliers, 104-101, atol sa adlawng natawhan sa lider sa Cavaliers nga si LeBron James.
Sa uban pang mga sangka, ningdaog ang Detriot Pistons batok San Antonio Spurs, 9379, Miami Heat batok Orlando Magic, 117-111, New York Knicks batok New Orleans Pelicans, 105-103, Atlanta Hawks batok Portland TrailBlazers, 104-89, ug Philadelphia 76ers batok Denver Nuggets, 107102.