P6 nga USBAW gisupak

Ang Citrasco nagplano nga mangayo ug himuong P12.50 ang minimum nga pletihan sa unang lima ka kilometro gumikan sa pagsaka sa presyo sa mga produktong petrolyo apan wala pa gani sila makaduso sa ilang petisyon gisaway na sila sa mga commuter.

Nabuang na tubo rang gasolina og P2 unya ang pleti kay motubo og P6? Ibutang tag makahurot silag 20 ka litro sa usa ka adlaw, ang ilang napuno kay P40 unya pila man kaha ka pasahero ilang mahakot sa usa ka adlaw?

- Philton Navaja

Pag sure mo uy! Di man gani mo manukli og tarong sa mga pasahero ug naay mohatag og P20 unya duha kabuok ngano suklian raman ninyo og P6 dapat P7 inyo isukli kay tag 6.50 raman minimum pleti. P1 is enough increase sa minimum fare.

- Eugene L Quijada

Ayoha sab na inyong mga jeep uy una mo magpaumento! Taas kaayo ang gasolina karon kay mo taas mo’g pletihan. Ipabag-o sa na inyong mga jeep sa dili pa mo mopataas sa inyong pleti. Pangaligo sab mo uban driver sa dili pa mag-drive.

-Mj Ali

Motubo ang pletihan sa jeep unya di pata katarong og lingkod, wa sila mabuang? Bisan dili mada og 10 hala magpasakay pa kay kuno napulo ang capacity sa usa ka side. Saon ang pasahero di nalang hapit kalingkod unya sakto ang gipleti.

- Shifukato Fitzgerald

Okay ra ni nga umento pletihan basta inyong jeep kay kadtong mga modern jeepneys sa DOTC .... kon kagang2x man gani na inyong unit ug magsinardinas gihapon plus driver nga way disiplina, ayaw na lang...hahaha..

- Manny Rulona

Dili ko uyon ani isip commuter dako ra kaayo unya luoy kaayo ang gagmay og sweldo labi na mga student wa pana silay sweldo unya mosaka na nuon ang pleti. Di na pwede, daghan pobre ang maapektuhan.

- Jeirmben Panisan Caño

Hala uy kon mao na estorya everyday gagasto kos pamasahe nako was P42 so mahimo nang P54 sus dili naman ta kapalit binlod ani uy nasobrahan ramo kabongkagun baya nang jeep ninyo. Sus Diyos ko okay ra unya og aircon nang jeep ninyo ba.

- Javeah Noval Son

Kon motaas ang presyo sa gasolina, motaas sab ang presyo sa mga palaliton og pletihan! Pero kon moubos gani ang presyo sa gasolina, wala gyoy pletihan nga mo-us-os. Ok raman mosaka pletihan basta nindot ug modern napud ang mga sakyanan!

- Melvin Ligo