KALUHANG KASAULOGAN

Doble kalipay ang gibati ni Elsie Bacalan, 40, dihang iyang nahibaw-an nga kaluha diay ang iyang gihimugso, sila si Jessica ug Jessa, duha ka adlaw sa dili pa ang Pasko.

Ang una nilang pagtuo sa iyang bana nga si Arnel Bacalan, 41, nga usa lang ka himsog nga batang babaye ang gisabak sa ginang kay mao kini ang gipahibawo sa iyang doktor.

“Na-surprise ko kay wa mi magtuo nga kaluha. Ang giingon lang sa doktor kay “The

baby is dako,”” saysay ni Elsie sa Superbalita Cebu.

Nahibung na lang si Arnel nga duha na ka sinina ang gipangayo sa staff sa ospital.

Si Elsie nisugilon nga 15 minutos lang ang lab-ang sa pagkahimugso sa kaluha nga mga anak, una nga nigawas si Jessica ug nisunod si Jessa, niadtong Disyembre 23, 1999.

Matag usa nitimbang og 2.3 libras.

Sila si Jessica ug Jessa lang ang mga anak sa magtiayong Bacalan.

Niadtong Disyembre 16, gisaulog sa kaluha ang ika 18 nga kasumaran sa ilang adlaw nga natawhan.

Usa ka debut party ang gihimo alang nila ni Jessica ug Jessa sa Cityscape Hotel sa dakbayan sa Mandaue.

Matod ni Elsie gisayo nila ang party aron makatambong ang mga bisita sa dili pa mag Pasko.

Ang debut party kay surprisa nga gasa sa magtiayon alang sa mga anak gumikan kay sukad sa kindergarten hangtod nga sila nag high

school pulos sila honor students.

“Wala ko ka-experience nga

ingato nga party. I know until sila matiguwang makahinumdom sila sa ilang debut party,” dugang ni Elsie. Sila si Jessica ug Jessa mga tinun-an sa Grade 12 sa Asian College of Technology. /

MGA HULAGWAY GIKAN NILA NI JAN MARLOWE GARGARAN, ANDREI AVELLANA / ■ DOBLE NGA GASA: Maanyag ug angayan tan-awon sa ilang gisul-ob nga gowns sila si Jessica ug Jessa Bacalan atol sa ilang debut party kauban sa ilang mga ginikanan nga sila si Arnel ug Elsie Bacalan. Sa ibabaw nga hulagway, midalit og kanta si...