KOMBATI SA PBA MOBALIK KARON
Mga duwa karon 4:30 pm- NLEX
batok Phoenix 7:00 pm- Ginebra
batok GlobalPort
Human sa hamubong bakasyon sa Kapaskuhan, mobalik ang aksyon sa Philippine Basketball Association (PBA) Philippine Cup karong adlawa sa Araneta Coliseum.
Ang NLEX Road Warriors mosuway pag-angkon sa solong liderato sa ilang pagpakigbatok sa Phoenix Fuel Masters sa main game.
Kasamtangang nakigbahin ang Road Warriors sa defending champions San Miguel Beermen sa liderato bitbit ang 2-0 nga rekord.
Dili ikalimod nga ang Road Warriors gikonsiderar nga usa na sa labing kahadlukaang puwersa sa liga ubos sa paggiya ni coach Yeng Guiao.
Ilang gipangbuntog ang Kia Picanto, 199-115,ug gipanglampornas ang GlobalPort Batang Pier, 115-104, sa premiro nilang duha ka mga tahas.
“We are entering a crucial stage in our quest to define ourselves as contenders,” matod ni Guiao sa interbyu sa PBA.ph.
“Teams are preparing harder for us so we must prepare as hard against them.” Dili sab gyud angayang molugak ang Road Warriors
batok sa Fuel Masters, nga adunay 1-1 nga rekord.
Ang Fuel Masters nasubhan og 96-104 nga kapildihan batok sa Beermen apan bangis kining ningbangon ug namungot sa Picanto, 125-102, sa ikaduha nilang tahas.
“Phoenix is knocking at the door of the league’s elite teams. New faces and new coaching staff are changing the culture of this team,” dugang ni Guiao.
“That’s very dangerous for all other teams. It’s with this thought that we approach our game against them.”
Ang Road Warriors aduna na’y saktong kumbinasyon sa mga batan-on ug beterano.
Ang No.2 overall pick sa Road Warriors nga si Kiefer Ravena dali ra’ng naka-adjust sa iyang beteranong mga kauban nga sila si JR Quinahan, Larry Fonacier, Alex Mallari, Juami Tiongson, Cyrus Baguio ug Mike Miranda.
Sa main game, magsangka ang Brgy. Ginebra Gin Kings ug GlobaPort Batang Pier.
Ang Gin Kings ningmakmak sa Magnolia Hotshots, 89-78, sa nag-una nilang misyon sa season.
Ang Gin Kins ug Batang Pier parehong adunay piang ning sangkaa.
Wala sa Gin Kings si Joe Devance, kinsa gibutang sa unrestricted free agent tungod kay magpaalim pa kini sa angol sa iyang tiil nga miagi og operasyon.
Sa pagpadaplin ni Devance, ang Gin Kings mosalig og maayo nila ni Greg Slaughter ug Japeth Aguilar sa ilawom nga bahin.
Sa ilang bahin, ang Batang Pier padayong mokombati nga wala ang ilang labing sinaligan nga si Terrence Romeo, kinsa padayong nagpaalim sa angol sa iyang tuhod.