AIRCON JEEPNEYS MODAGAN SA CEBU
Sa labing unang higayon sa Sugbo, aduna na unyay masakyan ang mga Sugboanon nga airconditioned
jeepneys nga gipanglantawan nga modagan sa di pa ang Sinulog.
Si Ryan Benjamin Yu, pangu sa Cebu Integrated Transport Cooperative (Citrasco), nibutyag sa Superbalita Cebu nga adunay 20 ka unit sa airconed
jeepneys ang magdaganan na unya sa Sugbo.
Apan ang 20 ka unit, usa ra ang rota niini, gikan sa Cebu City Hall paingon sa IT Park diin moagi kini og Robinsons Galleria ug Ayala Center Cebu. “Hopefully will be able to run before Sinulog,” nagkanayon si Yu uban sa pagpadayag nga brand new kini nga mga airconditioned jeep.
Alang sa unang 20 ka unit, nigamit sila og Hyundai nga coaster diin sa kaulohan kini gihimo. Giisip usab nga usa ka missionary developmental route
ang rota tungod kay alang usab kini sa mga nagtrabaho sa IT Park diin kasagaran anaa sa Business Process Outsourcing (BPO) industry.
Tungod kay alang kini sa BPO employees, 24 oras kini nga nagdagan.
Matod ni Yu nga kompleto ug nisubay ang airconditioned jeep sa balaod, “complete siya sa tanang requirement sa omnibus franchise guidelines, katong modernization program.”
Aduna kini global positioning system (GPS), automatic fare collection diin card system kini, adunay closed-circuit television (CCTV) ug facing ang lingkuranan niini.
Gibutyag usab ni Yu nga ang gipangayo nila sa Land Transportation Franchising and Regulatory Board (LTFRB) nga plite niini kay P15 ang minimun samtang dugang P1 ang succeeding nga kilometro.
Mao lang kini ang unang units tungod kay dugang mga unit pa ang posibleng modagan sa Sugbo.
Made in China ang mga pisa niini samtang made in the Philippines ang cover niini o ang dagway sa jeepney. / HBL