Saludo sa mga bombero, mga boluntaryo
Panawagan nga i-ampo ang tanang mga tawo nga nalambigit sa pagpawong sa dakong sunog nga niigo sa Metro Ayala nagbansiwag sa mga post sa social media. Gihulagway sa mga post kung unsa ka delikado ang ilang trabaho.
Gusto sab nakong iapil sa mga pag-ampo ang tanang personahi nga bisan way labot sa actual nga pagpawong sa kayo apan ang ilang tampo makapahimuot kaayo. Pananglit ang mga guwardiya nga nagbantay sa mga tindahan sa sulod nga wa maapil sa pagka sunog.
Di sayon ang maong trabaho taliwala sa nagpuot nga aso. Ang taga engineering nga maoy nag giya sa mga bombero sa mga posibling agianan aron mapasirit ang mga hose sa tubig. Di sab ni sayon. Ang dakong bahin sa risgo mao ang pag-penetrate sa dapit diin nagsugod ang kayo sa unang ataki pa lang atol sa alarma.
Di sab nato kalimtan ang natampo sa mga manager, supervisor ug empleyado sa Metro Ayala ug sa mall mismo nga maoy nag giya sa mga customer unsaon pag gawas nga layo sa peligro.
Basi sa mga kasinatian sa ubang customers labihan nilang gidayeg ang professional nga paagi nga ilang gisagop sa dihang nagsugod pa lang ug alisngaw ang aso. Mao kadto ang labing crucial nga bahin sa alarma ang pagsiguro nga di sila mag-panic ug way kinabuhi nga maapiki samtang nagbunlutay ang bombe- ro ug volunteers sa mga fire hose. Nasayran nako sa laing tinubdan nga daghan sa mga guwardiya ang nahimong fire volunteers. Di lang mga guwardiya ug ilang mga officers duna pa’y daghang empleyado sa mall nga naka kupot ug fire hose tungod sa dakong tinguha nga mapakalma ang makamatay nga kayo.
KAWATAN
Akong nahinabi si Sr. Supt. Joel Doria ang Director sa Cebu City Police Office ug iyang gitug-an nga gisiguro sa iyang 20 ka pulis ug usa ka opisyal nga unang nirespondi sa fire scene , mao ang pagsiguro nga way mga kawatan nga mosuway ug ataki sa mall. Pinaagi sa pagpakig-alayon sa
security officers didto way gitugutan nga majasyd nga way labot sa operasyon. Sayod tang tanan nga kung kanus-a maapiki ang usa ka lugar tungod sa katalagman magpahimus sab ang mga kiriwan ug kamot.
Basi sa mga kasinatian sa ubang customers labihan nilang gidayeg ang professional nga paagi nga ilang gisagop sa dihang nagsugod pa lang ug alisngaw ang aso.