HARA UG HARI SA SINULOG FUN RUN
Gipatigbabawan nila ni Prince Joey Lee ug Geneicel Saballa ang 2018 Philippine Sports Commission (PSC) Sinulog Fun Run kagahapon sa Cebu City Sports Center.
Si Lee maoy naghari sa men’s 10K 22-under category pinaagi sa oras nga 33:37.78 samtang si Saballa maoy midaog sa women’s event pinaagi sa oras nga 42:25.14.
Gawas kang Lee, ang ubang nasulod sa top 5 sa men’s 10K 22-under mao sila si Ruel Algufera (36:31.68), Harold Guiao (37:33.58), Andrew Agang (37:47.48) ug Tetso Sumile (39:50.01).
Ang mga kauban ni Saballa sa women’s 10K 22-under mao sila si Melody Perez (42:27.13), Lovely Fe Andrin (46:25.26), Geneda Arcuino (47:08.34) ug Lynle Cardenas (47:16.35).
Nidaog sa 5K 16-under boys mao si Andrew Kim Remolino pinaagi sa oras nga 16:33.11 samtang si Cherry Andrin ang milampos sa 5K 16-under pinaagi sa oras nga 19:46.55.
Gikauban ni Remolino sa top 5 sa iyang kategoriya mao sila si Jhonn Marc Rizon (16:33.11), Jovan Bensig (17:00.71), Jasper Flores (17:17.18) ug Jessie Abelgos (17:56.40).
Samtang ang kauban ni Andrin sa top 5 sa iya sab kategoriya mao sila si Mary Joy Loberanis (20.34.35), Karen Manayon, Moira Frances Erediano ug Michell Ann Beboso (21:56.06).
Sa 3K 12-under boys, ang midaog mao si Kirk Nanz Alison (12mins, 1.43) unya gikauban niya sa top 5 mao sila si Wendel Andrin (12:0.150), Yhuan Jidd Tabar (12:09.33), Nexus Tabar (12:12.43) ug Roel Caballero (12:19.40).
Milampos sa 3K 12-under girls mao si Lourence Yvofy Garcia (13:42.16) unya kauban niya sa top 5 sila si Jessel Ochia (14:00.03), Krizha Danica Jugalbot (14:19.25), Winona May Tabada (14:22.27) ug Kris Valerie Jugalbot (14:33.33).
Ang PSC nakig-abag sa Cebu City Sports Commission ug Sinulpog Foundation sa pagpasiugda ning maong lumba, kansang katuoyoan mao ang pagkaplag og mga mosunod sa lakang nila ni Mary Joy Tabal ug Roy Vence, nga pulos Olympian runners gikan sa Sugbo.
Sa laing bahin, ang midaog sa 5K open division nga alang sa nag-edad og 23 anyos o pataas mao si Nigerian strider Eric Chepsiror (16:12.89) sa men’s ug Lizane Abella (19:45.58) sa women’s.