LALAKE MIKAON OG NAPKIN
Daghan na kaayo karon nga pamaagi sa pag-andam sa pagkaon ilabi ang pagpresentar niini talad kan-anan.
Gani naghatag kini og kalibog sa uban nga mga inilang tawo labaw na sa mga ordinaryong tawo.
Matod sa Twitter, nga ang bana sa kanhing Eastenders nga aktres nga si Tracy-Ann Oberman nisuway og kaon sa napkin nga gisilbi uban sa bloke sa bato sa Michelin-starred nga restaurant.
Si Oberman, kinsa naila sa iyang papel isip landlady sa Old Vic Chrissie Watts, ni-post sa Twitter aron sawayon ang restaurant nga gidumala sa inilang si Chef Martin Berasategui.
Siya ug ang iyang bana nga si Rob Cowan nalibog sa di kaayo kumon nga linutoan diin gibase kini sa relihiyon.
Aron madugangan ang ilang kalibog, ang magtiayon gisilbihan og puti nga sud-an nga gibutang sa bloke sa mga bato diin si Cowan nisugod sa pagkaon niini apan iyang nadiskubrehan nga napkin diay kini.
Matod sa Mail Online, nga ang 51 anyos nga si Oberman nihulagway nga ang napkin gibutangan og tubig diin gisuwayan sa pagkaon sa iyang bana nga nagtuo nga pagkaon kini.
Midugang siya sa paghisgot sa gi-post niya sa Twitter nga binuang ang gisilbi sa restaurant diin buot niya nga buot nilang anaa ang plato.
Iyang gipadayag nga ang pagkaon nindot apan ang presentasyon niini mao wa niya ganahi kay kan-anan man kini ug di simbahan.