Lain na sab nga mga taktakunon

Gitangtang sa katungdanan si MARINA Administrator Marcial Amaro III tungod sa sobra nga pagbyahe sa gawas panahon sa iyang pangatungdanan.

Nakita nga kadaghan nagbalik-balik si Amaro sa byahe sa gawas og mogawas nga kada bulan, aduna siyay byahe.

Mas daghan pa siya og panahon sa pagbyahe kay sa panahon sa paglingkod sa opisina og pag-atubang sa problema sa mga sakyanan sa kadagatan diri sa nasod, matod pa sa mga mireklamo batok kaniya.

Karong bag-o lang, adunay 3 ka mga tinudlo sa presidente nga giimbestigar.

Kinsa kaha kini sila?

Matod pa sa balita, adunay mga reklamo nga giatubang ang maong 3 ka mga tinudlo sa presidente.

Wala gibutyag ni presidential spokesman Harry Roque kon unsa ang mga reklamo batok sa tulo.

Apan kon atong mahinumduman, nahimong allergic si Presidente sa mga opisyales nga kanunay lang nagbyahe-byahe sa gawas sa nasod.

Tungod niini, adunay pangutana.

Kinsa sa mga miyembro sa kabinete nga kanunay lang nagbyahe sa gawas?

Karong bag-o lang, adunay grupo sa mga kongresista ang mireklamo.

Ngano kanunay man na siya byahe sa gawas? Kon moadto mi sa iyang opisina, tagboon lang mi’g staff nga moingon nga wala si Sir kay dunay byahe. Kon among tawagan, tubagon lang mi og mobalik lang og tawag kay (Ang kinatibuk-ang lindog ni Atty. Diputado mabasa sawww.sunstar.com.ph/superbalita-cebu/ opinyon/2018/01/09/diputado-lain-na-sab-ngamga-tangtangonon-583086 duna pay meeting nga giatendehan. Unya, magpaabot mi og return call, wala. Unsaon man namo paghisgot niya sa mga problema sa among distrito kon kanunay siya magbyahe-byahe?

Sa akong nahibaw-an, mireklamo ngadto ni Presidente Rody Duterte ang maong mga kongresista.

Atong paaboton og unsay resulta sa maong reklamo.

Matod pa sa usa ka survey, 8 sa 10 ka mga Pinoy misalig sa Presidente.

Mao kini ang resulta sa kinabag-ohan nga survey sa Pulse Asia.

Unsa man kahay hinungdan niini?

Kon ikomparar sa ubang mga nangaging mga presidente, dako kaayo og kalainan si Presidente Digong.

Makita kini sa iyang paagi sa pangagamhanan.

Dali ra kaayo siya nga mitaktak sa iyang mga tinudlo sa dihang iyang nakita nga nagwaldas-waldas lang kini sa salapi sa katawhan.

Daghan na kini sila. Gani, ang kinabag-ohan nga gitaktak mao si MARINA Administrator Marcial Amaro. Og matod pa sa balita, adunay 3 pa ka mga tinudlo sa presidente nga giimbestigar karon tungod sa laing mga reklamo. Makita kini sa iyang sinultian. Kasagaran, dili mosunod sa “script” sa Presidential Management Staff (PMS) si Presidente Digong. Maghimo siya og kaugalingon nga mensahe. Delikado kini kay basin mosipyat siya sa iyang gisulti apan dili ikalimod nga kining maong sinultian sa Presidente maoy klase sa sinultian nga dali masabtan sa mga kabos og mga ordinaryong tawo.