Gigatasan ra daw ko

Dear Papa Joe,

I am Jessa, usa ko ka professional sa medisina. Di lang nako i-elaborate kay lisod na. Naa ko karon sa KSA.

Ang akong suliran kabahin sa akong lovelife nga para nako maayo man ug happy ko pero sa akong family ug friends, di. Naa koy nauyab nga usa ka gym instructor kay nagkaila ila mi ani niya dihang nag workout pa ko kay obese man gud ko as in literally overweight. So, nagka close mi hangtod nga padong nako larga diri sa Saudi. Karon kay para nako siya na man mao nga ako siyang gi-offeran nga moundang sa pagka instructor kay kuyaw og matintal, basta nga ako siyang palitan o sakyanan para gamiton niya sa negosyo.

Siya na ang nagpuyo sa akong condo unit. Pagkahibawo sa akong family, galagot sila nako kay gigamit lang daw ko kay imposible sa hitsura sa akong uyab nga moseryuso siya nako tungod sa akong hitsura. (Makita man sad nimo sa akong profile pic sa akong e-mail). Mao ni ang akong problema kay kon mobakasyon ko diha sa Pilipinas, lipay man kaayo ko niya ug sweet man gyud siya nako, Palihug ko tambagi ko.

JESSA

Jessa,

Well, normally mao nay mahunahunaan sa mga tawo labi na og di mo bagay sa imong uyab. Well, nakita nako ang imong picture pero di ko maka comment because wa man sad ko kakita sad sa lalaki. Pero wa sad ta masayod ug nakita ba gyud na sa imong parents ang pagka di ninyo bagay o basin nasina sad kay mas gihatagan nimo og atensyon nga pinansyal ang imong uyab nga sila man ta nagpadako nimo, Pero, on the other hand, naa gyuy manggamitay, pero love is blind man kuno. Gamita lang ang imong instinct para di ka masuntoy.

PAPA JOE