SINULOG BASURA WATCH GILUSAD

Gipahigayon ang kampanya nga gitawag og “Sinulog Basura Watch” sa pag-edukar sa publiko sa saktong pag-dispose sa mga basura ngadto sa mga giandam nga bin atol sa Sinulog Grand Parade sa Enero 21, 2018.

Ang maong programa nga environmental nga gipasiugdahan sa Cebu City Government pinaagi sa Solid Waste Management Board, nga nakigtambayayong sa mga institusyon, pampublikong sektor ug mga nagpakabana sa kalikopan.

Si Nida Cabrera, pangulo sa Cebu City Environment and Natural Office (CCENRO), nibutyag nga adunay unom ka 'eco stations' ang ipatukod sa nagkalainlaing dapit ug tulo sa Plaza Independencia, duha sa Basilica Minore del Sto. Niño ug Cebu Metropolitan Cathedral atol sa pagbukas sa 9-day nga novena masses ug usa anha sa Devotee City area.

“Naa gyuy mga rota diin ipahimutang atoang eco stations in coordinations ni siya sa among ecological unit,” matod ni Cabrera

Gipangandaman ang saktong “segregation” sa mga basura gikan sa Malata, Di- malata, Residual ug Recyclable ug kining upat ka mga klase nga butanganan sa mga bin ipahimutang sa matag estasyon.

Wala pa sab naapil diri ang gitawag nga hazardous waste tungod sa kulang pa ang mga bin. “We only utilized the bin donated by Cebu Chamber of Commerce and Industry (CCCI). We utilized private sector participations para sa pagput up sa atong eco stations,” dugang pa ni Cabrera. Ang mga milabay nga Sinulog ang gibasihan sa pagbutang sa mga eco station kon asa ang labing daghan nga koleksiyon sa basura mao sab kini ang pinakadaghan nga mga dapit nga dunay eco stations.

Usa sa mga lugar ang Fuente Osmeña nga adunay upat ka

stations nga gibutang didto tungod mao kini ang nasayran nga pinakadaghan nga hugaw matag Sinulog.

Kauban sa Basurta Watch ang mga lainlain nga pribadong sektor nga mitabang aron sa pagpadayon aning programa ang Environmental Management Bureau Region 7, Cebu Chamber of Commerce and Industry (CCCI), Department of Science and Technology Region (DOST) 7, 5 Pieces Daily Habit's, ang

general manager sa Guun Corporation ug uban pa.

Ang usa ka tinugyanan sa 5 Pieces Daily Habit's niingon nga gipanglantawan ang pagminos sa basura kay sa matag human sa Sinulog Grand Parade magpasad ang mga basura sa kadalanan.

Gitawag kini karon ug “Prititit Segregate” aron sa katong makasabot sa programa mahimo kini mo-link.