ONE LINER

NAUNSA SI ERICH?

Dunay mga natinga sa lihok ni Erich Gonzales sa dihang nag-promote siya sa “Siargao” sa “Gandang Gabi Vice” nga giingong lahi kuno kaayo kumparar sa dihang uyab pa sila ni Daniel Matsunaga. Sige kunog bahakhak si Erich bisan dili kataw-anan ug niligid pa sa sawog sa dihang nanayaw sila ni Enchong Dee.

`NELLY’ KANSELADO

Gikanselar ang concert sa Grammy-award winning rapper nga si Nelly niadtong Biyernes sa Cove Manila tungod sa problema sa schedule. Gisiguro sa organizer nga i-refund nila ang mga nakapalit og tickets.

MEGAN `AGRESIBO’

Daghan ang nakabantay sa agresibong pagsawo ni Megan Young sa bridal bouquet nga gilabay sa wedding reception ni Maxene Magalona ug Robby Mananquil. Ang uyab ni Megan nga si Mikael Daez mao say nakakuha kuno sa garter sa groom.

KATHNIEL MIDAUG

Silang Kathryn Bernardo ug Daniel Padilla ang nidaug nga Face Of The Year Favorite Foreign TV Actor and Actress awards sa gala night sa 2017 Blue Star Award niadtong Huwebes sa Vietnam.