CEBU MARATHON MOSIKAD KARON

Mosikad karong buntag ang 11th Cebu Marathon nga nagsaad og makalingaw, makapaukyab ug daw piyesta nga palibot sa rota niini sugod sa Cebu Buisness Park. Kapin sa 5,000 ka runners gikan sa nagkalainlaing nasod ang managan ning maong lumba nga gibahin sa 42-kilometer, 21K, 10K ug 5K categories.

“We’re all set. To the runners, expect a lively, very exciting and festive race,” matod ni Cebu Executive Runners Club (CERC) president Kenneth Casquejo sa interbyu sa

SunStar Cebu, igsuong buhatan ning mantalaan.

Ang CERC, nga maoy nagpasiugda sa lumba, nag-andam og entertainment sa rota ug 18 ka water stations nga dumalaon sa volunteers ug pribadong mga kompanya.

“Councilor Joel Garganera has tapped 50 members of the LGBT community for entertainment at their water station. Kawasaki-Motor Ace will put a Star Wars cosplayer at their water station and Arbee’s will have entertainers and food,” pasabot ni Casquejo. Nidugang si Casquejo nga ang Cebu Province mobutang sab og Festival of Lights unya adunay Sinulog dancers, beats, ug mga banda.

Ibalik sab ning tuiga ang tradisyon nga pagpakaon og

lechon sa rota alang sa mga partisipante sa 42K.

Aron maseguro ang kahapsay ug kalinaw, adunay 177 ka mga pulis sa Cebu City Police Office (CCPO) ang ipakatap sa rota.

Mokabat ngadto sa P419,000 ang kinatibuk-ang ganti sa lumba.

Ang pambato sa Cebu nga si Rafael Pescos sa Spectrum Runners Club mosuway pagdepensa sa iyang titulo sa 42K men’s division.

Gilaumang makahatag og hugot nga kompetisyon ngadto kang Pescos mao sila si four-time champion Noel Tillor, Michael Largo, Azlan Pagay ug uban pa.

Sa women’s 42K race, ang labing lig-ong contenders mao sila si Lizane Abella sa Mingalanilla, Cebu ug Cebu-based Ruffa Sorongon sa Sultan Kudarat.

Aduna sa’y mga partisipante sa ubang mga dapit sa Luzon, Visayas ug Mindanao.

Lakip sa mga managan ang langyawng runners gikan sa Australia, Belgium, Brunei, Canada, Switzerland, China, Germany, Denmark, France, United Kingdom, Hong Kong, Indonesia, India, Italy, Japan, Malaysia, Netherlands, Poland, Sweden, Singapore, Taiwan, ug USA.

Magsugod ang lumba sa alas 3:00 sa kadlawon diin unang buhian ang mga partisipante sa 42K unya mosunod ang 21K dayon ang 10K ug 5K.

/ SUNSTAR FILE PHOTO ■ READY GET SET, GO! Mokabat ngadto sa 5,000 ka mga runners ang magtigi karong kadlawon sa dihang ipahigayon na ang tinuig nga Cebu Marathon nga anaa na karon sa ika-11 nga katuigan. Sa hulagway, makita ang mga runners nga mitubag sa pagbuto sa...