‘Kwarta sa Basura’ project sa Siquijor
Ang Siquijor 4Ps beneficiaries nilusad sa ‘Kwarta sa Basura’ project. Ang Siquijor Pantawid Pamilya partnerbeneficiaries nakaangkon og igong pagpanguwarta.
Usa ka hiniusang paningkamot sa Department of Social Welfare and Development (DSWD) Field Office VII pinaagi sa Sustainable Livelihood Program (SLP) ug Pantawid Pamilyang Pilipino Program, Local Government Unit (LGU) sa Siquijor ug Japan International Cooperative Agency ( JICA), “Kwarta sa Basura” project gitumong sa papalambo sa kinitaan sa partner-beneficiaries sa Barangay Caticugan ug Dumanhog.
“Dili lang sa economic aspect kini makatabang sa among mga benepisyaryo, paagi usab kini sa pag-minos sa problema sa basura aron mapreserbar ang atong kalikopan,” matod ni Cheryl Jumamil, Pantawid Pamilya partner-beneficiary gikan sa Brgy. Caticugan.
Ang lungsod sa Siquijor maoy bugtong lungsod sa laalwigan nga nipatuman sa sanitary landfill sa pagmino sa sa solid waste disposal.
Ang pagpanalipod sa kalikupan mas gipataas sa JICA.
Si Ayaka Ishikawa, usa ka Japanese volunteer gikan sa JICA, nagtuki bahin sa insaktong solid waste management pinaagi sa Family Development Session (FDS) pag-edukar sa benepisaryo sa saktong waste
disposal ug segregation.
Siya maoy nihatag sa pagbansay sa pagpalusog sa solid waste ug paghimo og usable material.
“Dako gyud ang ikatabang niining training sa pag-gama og pitaka gamit ang materyales gikan sa basura ilabi na kay ako ra ang nangita sa pagkakaron kay naparalyze man ang akong bana niadtong 2016,” matod ni Cheryl
Si Cheryl nibutyag nga unang kia sa grupo niabot og P20,000.00 sa pagpamaligya og wallets o pitaka.
Pinaagi sa SLP’s Cash for Building Livelihood Asset for Communal Garden, Pantawid Pamilya partner-beneficiaries nakatukod sa ilang kaugalingong Material Recovery Facility (MRF) sa pagkolekta sa basura ug ubang residual wastes sulod sa komunidad.
Ang tumong sa koleksiyon dili sa paglabay niini sa sanitary
landfill apan alang sa upcycling.
Ang reusable materials sama sa plastic bottles ug cellophanes mga materyal sa
paghimo og pitaka, bags, decorations sama sa flower lanterns, rugs ug uban pa.