TIPS ARON MA-ENJOY ANG SINULOG FESTIVAL

Viva Pit Senyor! Busy na siguro kaayo ang kasagaran sa mga Sugboanon sa pag-abiabi sa mga dayo, balikbayan o bisita karon nga nagkaduol na ang Sinulog Festival.

Giisip nga usa sa labing dako ug sikat nga festival sa nasod, ang Queen City of the South mohatag na usab og laing pasidungog alang sa balaang bata, Sr. Sto. Niño.

Matag tuig, nagkadaiya ang angay atngan sa Sinulog Festival tungod kay mas mabulokon ug exciting kini itandi sa mga nanglabay nga festival.

1. Tambong sa 9 ka adlaw nga novena

Nagsugod kini niadtong Enero 11, Huwebes diin moluntad kini karong Biyernes. Usa ka oras kini sugod alas 5:30 sa buntag, aduna’y 30 minutos nga break bag-o ang sunod nga misa.

2. Bisita sa nagkadaiyang Cebu City Heritage Sites

Lakip niini ang Magellan’s Cross, Cebu Metropolitan Cathedral, The Heritage of Cebu Momument, Colon Market, Casa Gorordo Museum, Yap-San Diego Ancestral House, Fort San Pedro and of course, ug ang Basilica Minor Del Santo Nino.

3. Apil sa Fluvial Parade ug Solemn Procession

Nobiyembre 20, adlawng Sabado mao na ang Fluvial Procession sa balaang bata diin magsugod kini sa alas 5AM o 6AM sa buntag. Samtang ang Solemn Procession sa hapon kini sa ala 1PM.

4. Apil sa mga party

Bisan og dili pwede ang party ingon man ipatuman ang liquor ban sulod sa 300 meters sa parade route apan aduna’y dagkong party nga tinuig na nga gihimo. Sagad ani nila anaa sa SRP. I-check kon unsa nga party imong gusto ug sadsad na!

5. Food Trip

Pagkaon! Hilig kaayo ang mga Sugboanon ana. Ang labing duol nga lami kan-an kining larsian sa Fuente o pungko-pungko diha ra usab sa Fuente.

I-apil sa lista ang lechon, siomai sa Tisa ingon man ang mga halo-halo.

6. Tan-aw sa nightly activities

Kon kaniadto anaa sa Fuente Osmeña Rotonda ang mga kalingawan matag gabii, ibalhin na kini karong tuiga sa Plaze Independencia. 7. Paglingaw-lingaw sa Sinulog Grand Parade Mao ni siya ang highlight sa Sinulog, ineg Enero 21 makita nimo ang nagkadaiya ug mabulokon nga contingent nga mosinulog! Magsugod ang street dance sa alas 8:00 sa buntag karong tuiga.