Papel sa Senado sa Con-Ass
Ang atong mga magbabalaod niduso sa pag-usab sa atong Batakang Balaod pinaagi sa usa ka Constituent Assembly (Con-Ass) kay mas dali kini ug di dakog gasto kon ikomparar sa usa ka Constitutional Convention (Con-Con) pagalangkuban sa mga delegado nga gipili sa matag distrito.
Sa atong tan-aw, mas luwas usab ang Con-Ass alang sa mga magbabalaod kay sila-sila ra man ang magbuot kon unsay usbon. Ang mga delegado sa Con-Con di madiktahan sa mga politiko. Busa delikado nga wagtangon unya sa hingpit sa Con-Con ang mga political dynasty sa constitution nga ilang umulon.
Apan unsay mahitabo sa Con-Ass nga bicameral man ang atong Kongresso. Dunay Senado ug House of Representatives. Joint session ug joint voting ba, o joint session, voting separaterly? Kining maong pangutana hayan nga moabot ngadto sa Korte Suprema nga maoy mo-interpret sa Constitution.
Sumala pa sa Article XVII, Section 1, 1987 Constitution, “Any amendment to, or revision of, this Constitution may be proposed by: 1) The Congress, upon a vote of threefourths of all its Members; or 2) A constitutional convention.”
Sa pag-ingon sa Batakang Balaod nga Kongreso, buot ipasabot mao ang Senado ug ang House of Representatives. Apan wa kini maghisgot og “joint session, voting jointly” o kaha “joint session, voting separately.”
Ang mga senador, nga gipili sa mga botante sa tibuok nasud, miinsistir sa “voting separately.” Ngano man? Ang Senado karon aduna lay 23 ka mga sakop, 24 unta apan si kanhi Senador Alan Peter Cayetano gitudlo man nga Secretary of Foreign Affairs.
Kon joint voting, ang boto sa 23 ka mga senador kuwang rang lamyon sa 292 ka mga kongresista nga gipili sa pipila lang ka libo ka mga botante sa matag distrito. Unya 88 porsento sa 292 mga sakop sa gitawag nga “supermajority.” Apan kon separate voting, ang tingog sa Senado tugbang da sa House of Representatives.
Kinahanglan ang joint session sa Kongreso sa pagdeklarar og gubat, sa pagkonpirmar sa gi-nominate nga bise presidente sa higayon nga mabakante ang maong puwesto, sa canvassing sa botos para sa presidente ug bise presidente ingon man sa pag-amendar sa Constitution.
Apan nganong wa man maghisgot ang Constitution og “voting separately”? Si kanhi Supreme Court Justice Vicente Mendoza niingon nga sa sinugdan, ang Constitutional Commission nagplano sa usa ka unicameral nga Kongreso. Apan sa dayon nang tak-op sa ilang sesyon, nakahukom sila sa usa ka bicameral nga Kongreso. Ang mga artikulo sa legislative department ug executive department na-amendahan apan wa ma-amendahi ang probisyon bahin sa amendment.
Mao kana nga ang Article VI, Section 23 nag-ingon nga “Congress must vote separately to declare the existence of a state of war.”
Managbuwag usab ang botasyon sa Senado ug House of Representatives sa pagkonpirmar sa nominasyon ni Senador Teofisto Guingona sa pagkabise presidente hulip kang Bise Presidente Gloria Macapagal Arroyo nga nahimong presidente sa dihang gipalagpot si kanhi Presidente Joseph Estrada, subay sa Article VII, Section 9.
We have received information about the proliferation of these party drugs in many of these highend bars around Metro Cebu, and I’m telling them now that if we find any evidence, I will immediately cancel the business permit of any establishment or any party that is found to be coddling these drugs,”
- Mandaue City Mayor Luigi Quisumbing