LinGaP sa Masa miabag sa mga kabus

Dul-an sa 6,345 ka indigent patients nga na-admit o out-patient sa unom ka mga ospital sa rehiyon 7 ang nakaadawat og hinabang sa Department of Social Welfare and Development’s (DSWD) pinaagi sa “Lingap at Gabay Para sa May Sakit” (LinGaP sa Masa) sa 2017.

Kini dunay katugbang nga balor nga moabot og P81,063,883.03 nga nakapagwas sa Field Office.

Dihang nagsuigod niadtong Marso sa miaging tuig, ang Vicente Sotto Memorial Medical Center (VSMMC) sa Cebu City maoy unang regional partner-hospital sa Cental Visayas sa pagpatuman sa free medicine assistance program nga ubos pundo ni President Rodrigo R. Duterte nga SocioCivic Projects Funds.

Ang programa gipatuman usab sa laing upat ka mga rehiyon sama sa NCR, regions 3, 6 ug 11.

Unang naila nga “Libreng Gamot Para sa Masa” nga hinabang nga limitado lang sa libre nga medisina.

Ang program guidelines giamendar nga naglakip sa ubang panginanglana sa ma kabus.

Ang LinGaP sa Masa karon moabag na sa medical needs sama sa prosthetics, assistive devices ug laboratory procedures.

Niadtong Oktubre 2017, ang DSWD-7 nipalapad sa pagpatuman ngadto sa Bohol Province pinaagi sa pakigsabot sa Governor Celestino Gallares Memorial Hospital (GCGMH) sa Tagbilaran City.

Sa pag-abot sa dugang kabus nga katawhan, ang DSWD-7 nidugang sa upat ka mga ospital sama sa Talisay City District Hospital in Brgy. San Isidro, Talisay City, St. Anthony Mother and Child Hospital sa Brgy. Basak San Nicolas, Cebu City, Eversley Child’s Sanitarium and General Hospital sa Brgy. Jagobiao, Mandaue City ug Don Emilio Del Valle Memorial Hospital sa Brgy. Bood, Ubay, Bohol.

Kini mahimo uban sa pagabag sa Office of the Presidential Assistant for the Visayas (OPAV) ug Department of Health (DOH) Region 7.