CLARKSON MIPADAOG SA LAKERS VS. KNICKS
Maayo na sab nakaduwa ang Fil-Am nga si Jordan Clarkson ug nipupo kini’g 29 puntos ug 10 assists aron pangulohan ang dakong kadaugan sa host Los Angeles Lakers batok sa New York Knicks, 127107, kagahapon sa National Basketball Association (NBA).
Gawas kang Clarkson, aduna pa’y laing lima ka mga magduduwa ang Lakers nga nakamugna og dobleng numero nga puntos, nga nagsilbeng bunga sa ilang paningkamot isip usa ka puwersa.
Si Julius Randle nidugang og 27 puntos ug 12 rebounds, nihatag og 15 puntos si Kyle Kuzma, nihatag og 14 puntos si Brook Lopez, nitampo og 13 puntos si Larry Nance Jr. samtang nihatag og 10 puntos si Brandon Ingram.
Gipasabot ni Lakers coach Luke Walton nga ang ilang depensa maoy nakapahapsay sa dagan sa ilang opensa hinungdan nga nakaposte sila’g lima ka sunodsunod nga kadaugan nga nagsaka sa ilang rekord ngadto sa 17-29. “Defense. That was the only message at halftime,” Lakers coach Luke Walton said.
“During our home win streak, we have been really, really good defensively.” Nahimo kini sa Lakers bisan wala ang ilang sinaligang
rookie nga si Lonzo Ball.
Sa pagpangulo nila ni Clarkson ug Randle, ningmugna og 17-4 run sa hinapos nga bahin aron sugdan paglubong ang Knicks.
“Randle and Clarkson, they were killing us,” matod ni New York coach Jeff Hornacek. “We tried multiple guys on both of them, but they took it to whoever was guarding them. That was a big key. We couldn’t get any stops.”
Ang Knicks, nga nahagsa sa 21-26 nga rekord, gipangulohan nila ni Kristaps Porzingis, Tim Hardaway Jr. and Michael Beasley pinaagi sa ilang 17 puntos matag usa.
Maayo man tuod og shooting
percentage ang Knicks wala nila napungan ang kainit sa Lakers.
“They just played harder than us in everything,” asoy sa usa sa mga sinaligan sa Knicks nga si Enes Kanter.
“They got a lot of offensive rebounds. We got a lot of turnovers. I don’t think we can play like this in road games and expect to get a win.”
Sa laing mga duwa, gipangpukan sa Indiana Pacers ang hosts San Antonio Spurs, 94-86, gipangmakmak sa Orlando Magic ang hosts Boston Celtics, 103-95, samtang gipatapsingan sa New Jersey Nets ang hosts Detriot Pistons, 101-100.