BILLIARD KINAHANGLAN SUPORTAHAN: BIADO

Nanawagan ang bag-ong world 9-ball champion nga si Carlo Biado nga matabangan sa kadagkuan sa paugnat sa kusog sa Pilipinas ang nagkakunhod nga duwang billiards.

Si Biado, kinsa mianhi sa Sugbo alang sa bag-uhay lang nahuman nga Jancor Promotion 2018 Sinulog Cup 10-Ball Open

Billiards Tournament diin siya maoy mikampiyon, nagkanayon nga kinahanglang agakon sa gobiyerno ang duwang billiards ning puntoha aron dili maapsan sa ubang nasod ang Pilipinas kabahin ning maong natad sa paugnat sa kusog.

“Kailangan ng support sa government ang billiards dahil kung wala talagang support, maiiwan talaga tayo sa ibang bansa. Grabe yung development nila, may mga bansa nga na kasama na sa academic curriculum ang billiards,” matod ni Biado, kinsa lumad nga taga Pasay City apan kasamtangang nagpuyo sa Quezon City.

Gianugnan si Biado kon mapasagdan sa gobiyerno ang duwang billiards gumikan kay ning maong natad sa paugnat sa kusog, matod niya nga dako ang poruhan sa Pinoyng mga bilyarista nga makahatag og dungog sa nasod ug maghari sa nagkadaiyang international competitions.

Daghan na sab nga Pinoyng mga bilyarista ang nakahatag og dagkong dungog sa nasod sama na lang nila ni pool legend Efren “Bata” Reyes, Arnold “Django” Bustamante, Dennis Orcollo, ug uban pa.

Alang kang Biado, ang Pinoyng mga bilyarista nagkinahanglan og daghang exposures aron inig abot sa international event, hinog na

ang abilidad niini.

Giangkon ni Biado nga ang naandan sa Pinoyng mga bilyarista nga mao ang pagdumbol sa pustaanay nga mga duwa makatabang aron malig-on ang dughan ug dili na madutlan og kulba apan lahi ang sitwasyon kon magrepresentar na sa nasod.

“Iba talaga ang competition kumpara sa money game. Kailangan mo rin talagang masanay sa competitions na marami ang manonood sa venue at saka may television coverage lalo na pag nagri-represent ka ng iyong bansa,” pasabot sa 34 anyos nga si Biado.

“Sa ngayon, yung tournament na lang ni Senator Manny Pacquiao sa General Santos City ang inaabangan ng billiard players. Sayang talaga, ang dami pa namang magagaling na players sa ating bansa,” matod ni Biado, kinsa milabni sa world 9-ball title sa miaging buwan sa Doha, Qatar.

/HULAGWAY SA AZBILLIARDS.COM ■ WORLD CHAMP. Ang kasamtangang World champion sa billiard nga si Carlo Biado ang nanawagan nga panahon na unta suportahan sa gobiyerno ang billiard aron dili kini maapsan sa ubang nasod. Naobserbahan nga ang gilakip sa ubang nasod sa curriculum sa...