Libre ang tubig sa carenderia

Dunay nangutana nako nganong maihap nalang ang mga carenderia nga nagtanyag og libre nga tubig sa ilang mga kustomer?

Bitaw sa tinuod lang kasagaran sa mga carenderia gipabayran na ang tubig nga gipaagi sa machine. Machine nga may mineral water. Mohug ka og piso pagtambal sa kauhaw human nimo og kaon.

Kaniadto mata'g kaon nimo sa carenderia arayan dayon ka sa silbedora ug pitsel nga puno sa tubig mainom ug baso.

Karon kung di magkugi ug hulog ug piso way kalainan sa soft drink imo na ning orderon.

Ang rason sa uban nganong wa na'y libre nga tubig mainom tungod kay mineral water lage.

Ang libre nalang ron sabaw, suka, patis, sili ug toothpick.

Ang uban nanglibre pa ug tissue paper. Makasabot man ta kay gipalit man sab nang ginalon o binotelya nga mineral water.

Apan bisan pa man naa pa gihapo'y carenderia nga nang libre ug mineral water gikan sa galon nga gigamitan ug dispenser. Ang ilang rason kay para nagbalik balik ang kustomer.

Ang uban manglibre ug ginamos, siboyas bombay para sa mo-order og sinugbang baboy ug isda.

Sakto kaayo. Marketing strategy kung imong sabton sama sa mga restawran manghatag man sila ug libre nga tubig.

Kanang usa ka galon nga mineral water di man siguro na mahurot ug napulo ka kustomer. Siguro kadtong mangita og bugnaw mopalit og binotelyang mineral water. Sa mga daginoton og budget nga para lang sa usa ka takos nga pansit mangita gyud na og libre.

Pwede ra siguro tubig gikan sa gripo unya sultian lang gyud ang kustomer. Kung mineral water ang pangitaon adto sa piso-piso padulong.

Ang problema lang kay ang imong piso di gyud ka tambal sa kauhaw kay di man sab kapuno sa usa ka baso.

Ang lisod ug madunlan ka kinahanglan pa nga mokuot ka og piso aron modagan ug mohug sa imong piso sa dispenser. Pait.

Manghangyo ta sa mga carenderia ug painitan. Ibalik nato ang naandan nga pagtratar og kustomer.

Ang tubig sa pitsel iapil og butang sa lamisa. Kung di mo ka hatag og libre nga mineral water sulti-i ang kustomer nga gikan kini sa gripo. Pero sa ako na nga giingon sa unahan ang negosyo sa pagkaon nagkinahanglan sab og diskarte aron magbalik-balik ang kustomer.

Lami unya barato pun-an pa sa limpiyo nga kan-anan ug mga gamit way kustomer nga di mobalik.

PAHINUMDUM

Bisan niadtong wa pa did-i ang mga nagmotorsiklo pag agi sa tunnel daghan na ang wa na moagi didto. Kini human sila makasinati og kakuyaw sa biyahe kauban ang mga trak nga naghaguros sa ka kusog. Gawas sa tunnel daghan sab ang wa na moagi sa South Road Properties ug South Coastal Road. Ang ilang rason mura daw ug suyopon sa mga trak ang ilang motorsiklo. Ako nga nakaangkas ug motorsiklo unya niagi sa maong mga karsada naka saad gyud nga di na ko mousab. Lain gyud ang akong pamati.