DUTERTE MOABLI SA ‘MALASAKIT CENTER’ SA SUGBO
Pangunayan ni Presidente Rodrigo Duterte ang pagsubo sa marker sa Malasakit Center sa Vicente Sotto Memorial Medical Center (VSMMC), siyudad sa Sugbo karong Pebrero 12.
Ang Malasakit Center kabahin sa pro-poor healthcare initiative ubos sa administrasyon ni Duterte.
Si Presidential Assistant for the Visayas Michael Lloyd Dino niingon ang Malasakit Center maoy gasa ni Presidente Duterte karong Valentines Day, Pebrero 14, alang sa mga molupyo sa Kabisay-an labi na ang kabos nga mga pasyente sa mga publikong ospital nga nanginahanglan og tabang pinansiyal gikan sa kagamhanan. “President Rody showed his
interest about the Malasakit Center our office has initiated when I discussed it to him during his visit with Cardinal
Vidal’s wake,” matod ni Dino sa press statement nga nadawat sa Superbalita Cebu kagahapon.
Ang buhatan sa kalihim ang nagpasiugda sa maong programa uban sa lain pang mga programa.
Kuyog sa presidente sa umaabot nga kalihokan ang mga opisyal sa mga ahensiya sa gobiyerno ug government-owned and controlled corporations (GOCCs) nga nakigtambayayong sa OPAV.
Apil niini ang Department of Social Welfare and Development (DSWD), Philippine Health Insurance Corp. (Philhealth) ug Philippine Charity
Sweepstakes Office (PCSO).
Apil sa mga programa sa OPAV ang Tech2Teach nga nagtinguha mahatagan og Information Technology (IT)
gadgets ang mga tunghaan sa lagyong mga lugar, ug ang Comm4Peace nga ang katuyoan mahatagan og high-frequency radio sets ang kapulisan.
Ang Malasakit Center usa ka
one-stop shop diin modangop ang mga pasyente nga nanginahanglan og ayuda gikan sa gobiyerno.
Ang VSMMC ang napili nga
pilot hospital diin ang mga sistema ug polisiya gihan-ay alang sa mga tunhay nga pagpadagan sa programa nga sundon sa ubang mga tambalanan sa Kabisay-an. “Malasakit Center will provide
convenience to family members or relatives of patients of government-run hospitals in processing request for financial assistance for the patients’ continued care, medication, and medical procedure, among others,” dugang ni Dino. Niadtong Nobiyembre sa miaging tuig, ang mga chief of hospital nilagda og memorandum of agreement alang sa
maong katuyoan.
Apil sa mga ospital nga makakuha og Malasakit Center ang St. Anthony Mother and Child Hospital, Talisay District Hospital, ug Eversley Childs Hospital sa Sugbo, ug Gallares Hospital ug Del Valle Hospital sa Bohol.
Una nang gikataho nga ang Presidente dunay pre-Valentine nga kalihokan sa Sugbo sama sa pakigtagbo sa mga gobernador sa nasod ug ubang mga opisyal.