Crush ug triangle

Dear Papa Joe,

Ako diay si Alona 22 years old. Kining akong problema bahin sa love. Naglibog na ko sa akong buhaton. Naguol na ko og maayo kay one guy to two girls. Mao kini. naa koy friend babaye siya. Naa sab koy callmate. Actually friend na ni nako siya sa Facebook.

Kining lalake crush ni sa akong amiga nga itago na lang nato sa ngalang Judy. Si Judy ang hinungdan nganong nagkaila mi sa lalake. Kini si Judy may uyab na. Callmate namong duha ang boy. Ang lalake naa sa Manila .Si judy naa sa Ormoc. Ako dia sa Cebu.

Gusto sa lalake nga magkita mi. Unya mokuyog kuno siya nako sa amoang balay. Naglibog ko unsay akong buhaton kay ang lalake motawag man sad ni Judy. Basin crush sad siya sa lalake. Nag-pray na ko sa atong Ginuo. Unsay angay nakong buhaton? Mag give up na ba ko ani niya? O magpaabot ko? Please tambagi ko. ALONA

Alona,

Di man ka angay mo give up kay katungod man na nimo ma-crush pero di sad na nimo dibdibon kay wa man moy relasyon sa lalake ug katungod niya mamili ninyong duha if ever. Basin og insecure ka sa among amiga nga basin mas maibog pa niya kay kanimo bisan naa na niy uyab.

Ako pa nimo, huwata ang panahon nga moabot ug asa gyud ni siya. Wa gani ta kahibawo nga makig- amiga ra ni siya og taga lainlaing lugar ug wa sad ka masayod basin gani og mausab ang imong panan-aw niya once magkita mo kay lahi ra ba sa Facebook ug personal.

Labaw sa tanan focus sa mo kon unsay ikaayo ninyo sa inyong future kay ang gugma pwede after makahuman ka sa imong pagtuon. PAPA JOE