MGA RESIDENTE NANAWAGAN NI PRES. DUTERTE

Nagwelga ang gatusan ka mga residente sa sityo Dakit, Barangay Guadalupe gumikan kay wala na silay klarong agianan paingon sa ilang mga balay gumikan sa pagkoral sa tag-iya sa yuta. Ang mga residente nanawa- gan ngadto kang Presidente Rodrigo Duterte, nia karon sa Sugo, nga unta sila tabangan sa ilang gihambin karon nga problema aron sila hatagan og road-right-of-way sa tag-iya sa yuta.

Sa Facebook post ni Mariia Graxiia, siya nabalaka nga sa higayon naay emerhensiya ug ang inadlaw-adlaw nila nga gimbuhaton dili na nila matuman gumikan kay wala nay agianan. “Fight for our right of way!

Unsaon namo pag trabaho? Among pamilya nga nag salig namu unsaon nalang og di mi makatrabaho? Unsa among kan-on? Ang mga estudyante di ka skwela kay walay agianan? Tipik sa iyang post.

“Ang mga senior citizen, mga mabdos, mga bata asa naman lang mi ninyo pa-agion? Ang mga patay nga angay ilubong asa pa agion? Ang mga mabdos nga magbati, manganak? Unsaon nalang! Dli mi mga hayop nga inyo ming baboyon. Mga taw ra mi nga nanginahanglan ug naay karapatan. Dugang niya.

Si Kapitan Michael Gacasan sa Guadalupe nagkanayon nga gipa-Ombudsman siya sa tag-iya sa yuta sanglit wala siya mo-isyu fencing permit sanglit nasayod siya nga maapiki ang mga tawo nga nagpuyo sa maong lugar sanglit way road right of way.

Si Gacasan nagkanayon nga moabot ngadto sa 300 ka mga balay ang apektado sa koral nga gitukod sa tag-iya sa yuta diin iyang gibanabana nga moabot ngadto sa 800 ka mga tawo.

Nahibong usab ang kapitan nganong nakapakoral ang tag-iya sa yuta ug nganong gitugotan kini sa Office of the Building Official sa Cebu City.

Gihulagway ni Gacasan nga kaniadto, gamay pa ang gikoral sa tag-iya hangtod nga nag-anam og kadako ug nalukop na ang lugar ug wala nay kaagian ang mga tawo.

Gitug-an niya nga ang tagiya sa yuta nihatag og right

of way sa mga tawo apan motuyok pa sa layo ug walay klarong agianan unya ang yuta gipanag-iya og laing tulo ka mga tawo.

Gipahibawo ni Gacasan nga dunay pagsabotsabot karong alas 9:00 sa buntag tali sa tagiya sa yuta ug mga molupyo n barangay hall. /