Grae Fernandez sa Gaisano Balamban ugma
Grae Fernandez sa Gaisano Balamban ugma Kumusta ang inyong pagsaulog sa adlaw sa mga kasingkasing ug gugma? Wa bay gidulot nga kadaut o bisan unsang epekto ang bag-o lang nibiya nga ba yong si Basyang?
Tungod sa pagka way lingaw, naka-post ko sa Facebook adtong Martes og ingon ani: ‘Maayo lang kuno kon di una mobiya si Basyang. At least, dunay ka-date sa Valentine’s Day. Kolera!’
Dunay nalingaw. Duna say wa mouyon. Laliman ka ba gud og maglangaylangay ang ba yo aron lang makasaulog sa Valentine’s Day uban nato? Maayo niya no?
Sa Miyerkules na yud, ingon ani na sab ang akong napost: ‘Ang gugma dili sama ni Basyang… magkahinay… dayon mobabay. Yey!’ Ubay-ubay sab sa akong Fb friends ang nakagusto ug nalingaw.
Usa sab ni sa mga kaayohan, alang nako, nga gidalit sa social media. Malingaw ta ug makalimot sa makadiyot sa mga kahadlok ug mga kabalaka nga gidala sa mga panghitabo sa kinaiyahan ug uban pang mga hinungdan. Anà.
Ugma diay ipahigayon ang ikaduhang pagbola sa A Million Thanks Raffle Promo sa Gaisano Main, Country Mall, Balamban, Bogo ug Moalboal. Adto himoon ang pagbola sa Gaisano Balamban Town Center.
Si Grae Fernandez nga apil sa teleserye sa ABS-CBN nga Ikaw Lang Ang Iibigin ang dinapit ni Ma’am Rosemarie Gaisano aron molingaw sa mga mamamalit ug mobunot sa palarang mananaug sa mga dagkong ganti.
Alas 3 s.h. himoon ang bola. Kitakits!
Wa yud ko masayop nga hayag ang kaugmaon sa batang artistang si Ethan Jose Pelayo Dacua nga bida sa Pamilya Sinug. Usa sa mga entrante sa Sinulog Short filmfest ang Pamilya Sinug.
Sa nilabayng awarding ceremonies, nahukman si Ethan nga best child actor. O-ha! Anak diay ni si Ethan ni Jason Jose Dacua (organista kanhi sa Stagecrew ug naa karon sa Provincial Health Office) ug ni Cherryl Pelayo-Dacua nga naa sa Pagcor-Cebu ug TV personality sa GMA 7-Cebu niadto.
Mga pahalipay, Ethan ug sa mga ginikanan nga akong kumpare ug kumare (hehe, anà!).
Nalingaw ko samtang nitan-aw sa labing bag-ong pelikula sa Fifty Shades of Gray nga trilo y. Ginindotan ko sa pelikula ug nalingaw pod ko sa reaction sa mga babaye nga nakilig kang Jamie Dornan labina sa mga seksi nga esena nga makita ang iyang hubo nga lawas.
May nisulti yud og ‘Kakyut sa lubot!’ dihang nitalikod si Jamie human naligo. Deretsohay ang pagdayeg. Anà!
May mga esena nga nakita ang dughan ni Dakota ug ang iyang nindot nga lawas pero wa man ko kadungog og tingog sa lalakeng nanan-aw nga nipadayag sa pagdayeg. Buot bang ipasabot nga mas prangka ang mga babaye?
Morag ingon anà.