Naay kabahin

Dear Papa Joe,

Tawga lang ko sa pangalan nga Criselda, 40 years old, minyo ug may anak. Ang akong suliran kabahin sa akong bana nga usa ka seaman. Fourteen years na ming minyo ug naay duha ka mga anak.

Ang akong suliran kay wala kini siya magsulti nako nga naa diay siyay anak sa gawas, pero sa wala pa mi nakasal, nakahibawo ko nga palakero ni siya nga pagkalalaki ug nadungog nga di lang ning bayhana iyang gipaangkan. Pero kaning bag o lang nakasakop ko nga nakig-communicate ang anak niya sa gawas nga 17 years old na ug duda ko mangayo nig support niya labi na iyang mama naa nay laing pamilya.

Di ko gusto nga naay laing kasawo akong mga anak kay ako maoy naghago para maabot niya ang pagka siya karon. Pwede pa ba nako siya ikiha og adultery kon mopadayon siya og support sa bata? Sakto ba nga idawo ko akong bana? Palihug tambagi ko. CRISELDA

Criselda,

Sa akong tan-aw, selos man gihapon na imo, to think nga wala na man sila kaha sa babaye nga inahan anang bata? Selos sa inahan ug anak man na imo.

Unsa nga kiha imong ipasaka nga wala man silay buhing relasyon? Ang iya ra man kay naa silay produkto sa ilang relasyon ug walay labot ang bata niana kay wala baya pangayua sa bata nga ipakatawo sila.

Kon idawo nimo ang imong bana sa iyang anak sa gawas, imo na sad na pero hunahunaa, kon ikaw pa ang naa sa position sa bata, lalim ba na di ka kasuway og amuma sa amahan?Angay pa gani nimo nga ila-ilahon nang bataa kay wa ta masayod nga magkasugat na sila sa imong mga anak. Basin lain pa ang resulta. Again, way labot ang bata ug usa pa mas una sila kay kanimo. PAPA JOE