Naandang mga sagol sa energy drinks
Caffeine
Mao ni ang nag-unang sagol sa energy drinks. Ang gidaghanon managlahi. Sagad sa energy drinks dunay 154 mg., mas taas kay sa kape nga duna lay 80120mgs. Way rekomendasyon nga limit sa caffeine apan kon ikaw masobrahan, ang epekto ini mao ang high blood pressure ug kalit nga kamatayon.
Guarana
Naila usab nga Brazilian cocoa, ang gurana usa ka tanom sa South America nga dunay caffeine compound nga gitawag og guaranine. Usa ka gramo sa guarana tumbas sa 40mg nga caffeine.
Sugars
Ang sugar sa energy drinks dunay gidaghanon nga 21g ngadto sa 34g matag 8oz. Mga tawo nga mokunsumo og duha ngadto sa tulo ka energy drinks maorag nakainom og 120mg-180mg sa sugar, upat ngadto sa unom ka higayon sa maximum nga girekomendar nga inadlaw nga konsumo.
Taurine
Matod sa mga pagtuon nga ang Taurine sa matag energy drinks mas taas kay sa normal nga diet.
Ginseng
Matod pa nga ang ginseng mopakusog sa athletic performance, mopalig-on sa immune system ug mopanindot sa mood. Apan ang gamot gilambigit sa insomnia, labad sa ulo ug hypertension.
B vitamins ug uban pa
Mga pagtuon nagpakita nga ang B vitamins makapaayo sa imong mood ug moaway pa sa sakit sa kasingkasing ug cancer. Apan ang gidaghanon niini sa energy drinks di paigo.