Nganong kuyaw ang energy drinks
Kuyaw ang energy drinks. Nagkadaghan ra ba sa mga batan-on ang nanginom na niini nga naghatag kanila og kakuyaw sa side effects.
Nia ang kuyaw nga mga mahitabo kon malab-anan nimo og inom ang energy drinks:
Cardiac arrest: Matag tawo managlahi ang tolerance sa caffeine. Apan kadtong mga tawo nga dunay sakit sa kasingkasing, kuyaw kay duna nay giatake bisan pipila lang ang nainom. Sa bag-ong pagtuon, ang energy drinks mopakuyos og pugos sa kasingkasing, nga makadaut niadtong dunay mga kondisyon sa kasingkasing. Ang pagtuon nagrekomendar nga alang sa mga teenager, 250ML ra sa enery drink matag adlaw ang pagaimnon. Labad sa ulo ug migraine:
Kon daghan ka og energy drinks nga imnon ug naanad ka na niini, maglabad ang imong ulo tungod sa withdrawal syndrome. Mosamot ang anxiety: Dunay mga tawo nga mosamot ang anxiety kon mokunsumo og caffeine. Niadtong makakunsumo og taas nga caffeine, makaingon pa sa full-blown panic attacks.
Insomnia: Ang energy drinks mowagtang sa duka, apan kon abusohan, makaingon kini sa kalisod sa pagkatulog kun insomnia.
Type 2 diabetes: Kay taas og sugar ang energy drinks,
makahago ug makadaut kini sa cells nga tiggama og insulin sa pancreas, nga mosangko sa type 2 diabetes. Moepekto sa drugas:
Pipila sa mga sagol sa energy drinks mo-interact sa tambal, labina alang sa depression.
Addiction: Mga tawo mahimong maadik sa caffeine ug energy drinks.
Kuyaw nga mga buhat: Mga pagtuon nga gimantala nagpakita sa The Journal of American College Health nagpakita nga ang mga teenager nga high sa caffeine mohimog kuyaw bnga mga buhat.
Kulbaan: Pamation nimo ang kanunay nga kakuyaw ug kulba kon masobraan ka sa caffeine gikan sa energy drinks. Mosuka: Kon masobraan ka sa energy drinks hayan mosuka ka.
Allergic reaction: Tungod sa kadaghang mga sagol sa energy drinks, dunay mga reaksyon nga mahitabo sama sa pangatol ug kalisod sa pagginhawa.
High blood pressure: Ang bisan unsang ilimnon nga dunay caffeine makapasaka sa blood pressure.
Niacin overdose: Maayo ang Niacin (B3) nga gibutang sagad sa energy drinks. Di kini makadaut. Apan kon dunay kay supplements nga dunay Niacin, dunay posibilidad nga ikaw mag-overdose.