KADAUT SA MGA MOTOR SA IMPOUNDING AREA GIKABALAKA
Pagkabuwad sa init ug mauwanan hulga nga magdala og dakong kadaut sa dulan 300 ka mga motorsiklo nga na-impound sa Cebu City Transportation Office (CCTO) tungod sa counterflowug ubang kalapasan sa mga lagda sa trapiko.
Ang impound yard nahimutang duol sa South Road Properties (SRP), nga duol sa dagat. May bating epekto ang hangin gikan sa dagat ngadto sa makina sa mga sakyanan.
May posibilidad sab kini nga kawaton o mawad-an og uban pa nga mga parte sa motorsiklo nga problema na sab sa mga tag-iya panahon sa pagkuha na niini.
Pipila ka motorcycle dealers ang nabalaka kay sagad sa nadakpan nga mga tag-iya sa motorsiklo ilang mga kustomer nga ang uban wa pa makaimpas sa ilang datahan.
Nabalaka sila nga mahubsan sa gasolina ang mga motor kon mainitan og sobra pana- hon sa adlaw ug matay-an sab kon maigo sa hangin sa dagat. Nanghinaot ang motorcycle
dealers nga sa wala pa gipahigayon ang pag-impound, anaa na unta’y gihimong saktong luna ang gobyerno.
Matod pa ni Stephen Curaraton, usa ka Honda branch manager, nga ang makina gikonsiderar nga labing magrabihan sa kadaot sa usa ka motor hilabi na sa katong mga way engine warranty.
Uyon si Curaraton sa hugot nga pagpatuman sa counterflow apan matod pa niya nga aduna unta’y saktong butangan ang mga sakyanan nga madakpan sa counterflow, labina nga i-impound kini sa 30 ka adlaw. Matod ni Mary Grace Vinzon, junior management sa Yamaha Cebu City, nga uyon siya sa pagdakop sa counterflow kay epektibo kini sa pagpaminos sa mga disgrasya. “Syempre, as a motorcycle
dealer, kay problema siya sa amoa kay kasagaran sa madakpan kay mostly customers namo. Then luoy sad kaayo sa ilang part kay magbayad sila syempre sa ilang monthly, then dili nila magamit ang ilang motor kay na impound man”, matod ni Vinzon. Nabalaka usab siya sa dapit diin gi-impound ang mga motorsiklo.
“Dili lang magbayad ang customers sa ilang montly, magbayad pa sila sa charges sa pag
impound sa motor plus magbayad pa sila sa unsay damages nga mahitabo kay sa repair pa lang ana daan sa motor, grabe kaayo”, matod niya. /