Tulay ang sulbad sa pagka tanggong
Niadtong Lunes ug Martes ning semanaha gipanggaid sa Coast Guard ang mga barko tungod ni bagyong Basyang.
Gatosan ka pasahero ang natanggong sa mga pantalan lahos na ngadto sa mga terminal sa bus. Nag bagulbul ang mga pasahero ilabi na sa may kakulian sa budget. Gipang gutom. Giuhaw ug nagtiyabaw ang ubang mga bata nga wa maanad sa ilang kahimtang sa pier. Unsaon ta man naatlan man sa kabangis ni Basyang.
Mao ni giingon nga sa matag biyahe di malikayan nga kaluhaan kini ug mga kahasol ilabi na sa mga pasahero nga ang dala nga kuwarta para pamilite ra gyud. Sa mga stranded nga pasahero nga akong nahinabi naghisgot nga ang solusyon sa ilang pagka tanggong mao ang gipangandoy nga tulay nga magdugtong sa mga isla nga naglangkob sa Visayas ug Mindanao.
Matod ni Association of Barangay Council Presidebt ug Kapitan sa isla sa Calitoban sakop sa lungsod sa Talibon, lalawigan sa Bohol nga si Byrnah Paculaba, panahon na nga tutukan sa gobyerno ang ambisyosong proyekto nga giduso pipila na ka tuig ang nakalabay.
Si Kapitana Paculaba usa sa natanggong nga pasahero nga akong nahimamat didto sa Pier 1. Gawas niya natanggong sab sila si Tagbilaran City Councilor Jonas Cacho ug Konsehal sa Candijay Alonh Olandria. Gikan silang nanambong sa tigum sa mga Young Legislators didto sa Davao City.
Way suwerte kay wa ka tugpa sa Tagbilaran Airport ang ayroplano nga ilang gisakyan mao nga nalahos sila sa Sugbo ug naatlan sa bagyong Basyang.
Matod ni Councilor Cacho gusto niya tukion ang isyu sa
localized forecasting isip sulbad sa problema pagka baraw sa biyahe sa mga pasahero. Sa akong kinaugalingon nga evaluation sa isyu sa pagka tanggong sa mga pasahero sa matag higayon nga dunay storm signal o hale warning nga iisa ang Pag-asa, ang negosyo turismo numero unong apektado. Kung maghisgot ta ug turismo daghang panginabuhi ang mapuwerhisyo. Ang mga porter lang daan magpanakla kay way kita. Samot na ang mga tawo ug balay pahulayanan nga nagsalig sa mga turista. Pun-an pa sa mga negosyo nga apektado sa pag gaid sa mga barko.
Busa, ang isyu sa tulay nga magdugtong sa Sugbo padung sa Bohol ug Negros Island nindot nga ipadayon.
Mao ni giingon nga sa matag biyahe di malikayan nga kaluhaan kini ug mga kahasol ilabi na sa mga pasahero nga ang dala nga kuwarta para pamilite ra gyud.