Kawat misiaw

Pasidaan sa kapulisan nga dili mokompiyansa ug magmabinantayon sa paglakaw sa dakbayan tungod sa pagsiaw sa kawat.

Duha ka lalake nangayo og pakitabang sa kapulisan human kalit nga gikawat ang cellphone niadtong Sabado.

Uusa sa biktima giila nga si Codera Salvador, 22 , lumad nga taga lungsod sa Aloguinsan.

Saysay ni Salvador nga nikaon siya og barbeque sa Larsian sa may Fuente Osmeña, ang iyang bag nga diha gibutang sa lamisa kalit ang nawala nihang nibarog lang og kadali aron pag-inom og tubig.

Apan pagtan-aw niya og og balik, iyang namatikdan nga nawala og kalit ang iyang Samsung J2 cellphone nga mokantidad og P9,000.

Ang gidudahan sa kapulisan nga anaa ra kini sa mga trabahante sa dapit ang nagkawat sa cellphone ni Salvador.

Sa laing bahin, gikawatan sab og cellphone ang 18 anyos nga lalaki sa kalit lang nga panghitabo.

Giila ang biktima nga si Christian Orillo, 18, residente sa Taboan, ug lumad taga Santa Fe, Bantayan.

Alas 7:00 sa gabii nahitabo ang pagpangawat.

Nasayran kini sa maong lugar kalit lang nga nakuha ang cellphone ni Orillo sa wala mailhing tawo ug gidagan kini dayon.

Ang cellphone mokantidad og P6,000 nga adunay unit nga Vivo Y51.

Ang kapulisan padayong naghimo og makuting imbestigasyon labot sa panghitabo.

Tambag sa kapulisan alang sa katawhan nga dili angay mokompiyansa sa mga butang o mga gamit bisan pa kon ginagmay pani o dinagko kay walay dimahimo sa kawat.

Kon mamahimo magmatngon pirme sa tanang lakaw sa dakbayan labi na sa daghang tawo, dason sa kapulisan.