Ang ELEKSYON sa Barangay
Ang Commission on Elections nipagawas na sa ilang calendar of activities diin ang election period magsugod karong Abril 14 hangtod Mayo 21 ug ang kampanya sugdan karong Mayo 4 hangtod Mayo 12.
Dili ko mouyon kay makagasto nasad ang mga molansar, if makadaog bawion nasad sa pangurakot. Ang maayo nga eleksyon pareha sa eskwelahan i-nominate unya botohan nga walay kwartahay. Para walay utang kabubot-on, patas ang laban.
- Thelma Martus
Uyon ko kay sakto na ang paglingkod sa mga barangay official. Angayan na sad pulihan ang wala motrabaho na sa ilang pagka official sa barangay.
- Mobe Bagyo
Para nako, uyon ko nga idayon na gyud ang barangay ug SK elections karong umaabot Mayo 14, 2018. Wala naman siguro lain rason aron i-postpone, murag dili sad maayo nga isigi nalang og postpone kay unsaon naman lang tong naglingkod nga mga opisyal nga wala na nagtinarong sa ilang serbisyo?
- Raprap Estrera Morales
Mas maayo gyud nga madayon ang eleksyon kay aron makapili og lain na sab nga mga kapitan ug konsehal kay kanang uban karon nga naa sa katungdanan, wa gyuy nahimo sa barangay, maayo nang ilisan!
- Nestor Escultos Pasumala
Atong batakan nga katungod ang pagpili. Igo usab kini nga pagpahinumdum sa mga naglingkod ug sa mga naglaraw nga mohupot og posisyon sa barangay nga ang katawhan adunay gahum sa paghukom kanila. Busa, angay nilang batunan ang batasan sa kalingdong, kaangayan ug kaakuhan. Dili ang pagpanglimbong, kahakog sa gahum ug pangurakot.
- Patrick Campugan
Dako kong uyon madayon na ang eleksyon, apan kon ang desisyon sa atong presidente mao gyud ang atong agdon, para ang igasto ani dili masayang. Para nako maayo og madayon na ang pederalismo kay nauyon nako sa balaod ug pagdumala ni Pres. Duterte.
- Richard Cariaga
For me, uyon kay aron mailisan na ang barangay officials nga self interest ang giuna. Walay mga proyekto nga gipasa tungod ky dawat lang og limpyo. Unsaon pag lambo sa atong lugar kon magpabilin ang mga tawo nga dili angayan?
- Heaven Bell
Mas maayong madayon ang barangay election aron makapili ta og bag-ong kapitan.
- July Escabas