GERMAN NATIONAL WA NAY KINABUHI

Napalgang wa nay kinabuhi ang German national sud sa iyang lawak sa Sitio Riverside 2, Barangay Cansojong, dakbayan sa Talisay.

Ang patayng lawas napalgan niadtong Sabado sa buntag.

Sigun sa report ang namatay giila nga si Edgar Cornelius, 74, lumad nga taga Furstenberg, Germany nga nagpuyo na sa lugar.

Matod ni SPO2 Cecilio Miñoza sa Talisay City Police Station nga nakadawat silag report labot sa patayng lawas.

Apan wala na didto ang patayng lawas kay gidala na sa St. Bernard Funeral Homes.

Matod ni Nesina Sensal, 44, katabang sa namatay niingon nga siya maoy unang nakakita sa iyang amo nga naghigda na og wa nay kinabuhi ug nagkadugo na ang baba.

Dali silang nagpahibawo sa barangay konsehal ug mao nay mitawag sa kapulisan.

Samtang nanawag usab sila sa Talisay Rescue Emergency Action Team (TREAT).

Apan giingong patay na ang langyaw.

Binuon nasayran nga duha na ka semana na nga naglubog ang iyang amo tungod sa iyang gipamati sa lawas.

Samtang ang mga sakop sa Scene of the Crime Operatives (SOCO) nga miabot sa lugar wa na makaabot sa ptayng lawas.

Sa pagkakaron ang kapulisan sa Talisay nagpaabot pa sa resulta sa autopsy sa patayng lawas sa namatay.

Hinuon base sa pasiunang imbestigasyon way timahan nga adunay foul play sa kamatayon niini.