ABOGADO NI KERWIN GI-AMBUSH PATAY
BIKTIMA BISE MAYOR SA RONDA, GIATNGAN DUOL SA HALL OF JUSTICE
Gibanhigan-patay ang kasamtangang bise Mayor sa lungsod sa Ronda pipila ka metros lang ang gintang sa Cebu City Hall of Justic Qimonda IT Center North Reclamation area sa siyudad sa Sugbo, alas 11:50 kagahapon sa buntag human mitambong sa hearing sa iyang kliyente nga si Kerwin Espinosa.
Si Atty. Jonah John Ungab luwan sa iyang Suzuki Ciaz nga color grey nga dunay
plate number KFX 893 nga mopadulong unta nga moliko patuo aron motadlas sa dalan S. Osmeña sa North Reclamation area, apan usa sa duha ka mga mamumuno luwan sa motorsiklo ang nikanaog ug gipusil sa makaduha ka higayon ang sakyanan ni Ungab.
Naigo sa iyang walang aping ug walang timpahak si Ungab gamit ang kalibre 45 kini base sa nakuha nga basiyo sa bala sa crime scene.
Human sa pagpusil nabanggaan pa niini ang Hadji taxi nga gi aneho ni Romeo Roxas ug tungod sa kakusog, napantok ang iyang ulo sa windshield sa taxi. Samtang, ang sakyanan ni Ungab midiretso sa atubangang bahin sa Sugbutel.
Ang asawa ni Ungab nga si Pearl na ang nangayo'g pakitabang sa mga tawo nga naa sa building sa Sugbotel aron magpadala sa tambalanan apan alas 2 gahapon sa hapon gi deklara siya nga patay na.
Matod ni SPO1 Winston Ybañez imbestigador sa Homicide section sa Cebu City Police nga ang duha ka suspek iyang gihulagway nga dakoon ang panglawas diin ang drayber niini naka-half faced helmet ug ang gun man nakatabon sa iyang panagway nga nagsul-ob og sinina nga kolor puwa ug orange.
Human niini mapusili ang biktima, dali ning misibat sakay sa itom nga scooter sawa matino nga direksyon.
Ang bise Mayor gikan pa mitambong sa hearing sa iyang kliyente nga si Kerwin Espino diin siya ang nangabugar niini gahapon sa buntag.
Subayon karon sa kapulisan ang mga kuha sa CCTV camera sa dapit duol sa nahitaboan sanglit ang CCTV sa Sugbutel wala maka atubang sa karsada.
Wala pay angulo nga gisubay ang kapulisan sa pagkakaron apan usa sa ilang tan-awon ang may kalabutan sa iyang pagka abogado lakip na ang iyang trabaho isip bise mayor sa lungsod sa Ronda.
Wala usab nila wad-a ang posibilidad ang personal nga motibo nga ila pang gitan-aw kinsa kining nakaaway sa abogado.
“Ato pa gisusi kung kinsay posibling mga kliyente ani, work related ang usa sa atung gitan-aw sa pagkakaron kay wala pa ta kakuha sa back ground ani niya,” matod ni SPO1 Winston Ybañez.
Ang pasahero sa hadji taxi maoy nakakita sa gun man nga yano ra kaayo nga namusil sa biktima ug human niini normal ra usab ni nga misakay sa motor nga nag paabot kaniya.
Gihulagway ni Ybañez nga professional ang nag bira kang Ungab tungod sa kahaniti niini mogamit ug pusil sanglit groupings ang igo sa biktima diin ang tulo ka bala miigo gyud kini.
Apan usa sa nga kasaligan sa Superbalita Cebu nga duna nay nadawat nga hulga sa kinabuhi ang manlalaban gani usa sa mga special unit sa kapulisan siya nagpa-blotter.
Ang hepe sa Police Regional Office (PRO) 7 Chief Supt. Robert Quenery mimando sa kapulisan sa syudad sa Sugbo nga lawom nga imbestigasyon ug pangitaon sa labing dali nga panahon ang mamumuno.
“My directive for CCPO is to conduct thorough investigation, leaving no stones unturned, identify the suspects, and bring them before the court
of justice,” matod ni Quenery. Ang Cebu City Police Office (CCPO) nagtukod og Taskforce Ungab nga mihimo na karon sa manhunt operation batok sa duha ka mga suspek dungan sa awhag sa publiko nga motawag sa kapulisan kung adunay mamatikdan nga kadudahang lihok sa ilang lugar. /