MO2 RESTO-BAR GIPASIRHAN SAB
Gipasirhan sa kagamhanan sa dakbayan sa Mandaue ang MO2 Restobar sa Mantawi Drive gumikan sa ilang kapakyas sa paglukat og business permit sud sa duha ka tuig.
Gawas pa sa maong kalapasan ubay-ubay nga physical injury ang natala sa kapulisan nga nalambigit ang mga kawani sa maong establisemento.
Nangulo si Atty. James Allan Sayson, City Legal Office sa pagtunol sa closure order.
Atol sa press conference gipahibawo ni Sayson nga ang kakuwang sa business permit gikan niadtong July 20 - December 31, 2016 ug July 24 – Dec. 31, 2017.
Nasuta nga igo lang mikuha og provisional permit ang MO2 management ug wa na mobalik sa city hall aron ipadayon ang proseso kini aron unta makakuha ang permanent business permit.
Ang management igo lang sab mobayad sa P5,000 nga administrative penalty.
Nasayran sa legal department gikan sa Police Station 2 sa Mandaue City nga moabot ngadto sa 27 ka mga insedente sa pagpangulata ang nahitabo sa maong establishement sud sa duha ka tuig ug 33 porsiyento niini nalambigit sa ilang guwardiya, bouncer ug supervisor.
“If we cannot allocate resources to keep those patrons safe and, worse, if we feel their establishment do not see to give particular care or emphasis to the safety of their patrons then, well, they are not welcome in Mandaue City,” matod pa ni Mandaue City Mayor Luigi Quisumbing. /